iklan

COVALIMA, POLÍTIKA

Konstrusaun UKL unidade 90 iha Covalima atinje ona 90,31%

Konstrusaun UKL unidade 90 iha Covalima atinje ona 90,31%

Uma Kbiit laek (UKL) iha suku Fatulia, postu administrativu Venilale, munisípiu Baucau. Imajen Tatoli/Natalino Belo.

COVALIMA, 12 setembru 2022 (TATOLI)–Diretór Programa Nasionál Dezenvolve Suku (PNDS), Filipe Cardoso informa, progresu konstrusaun Uma Kbiit Laek (UKL) unidade 90 iha Covalima atinje ona 90,31%.

“Progresu  implementasaun Uma Kbiit  Laek (UKL) unidade 90  ne’ebé implementa iha  tinan fiskal 2021, iha fulan setembru tinan 2022 atinje ona 90,31%,” Filipe Cardoso relata ba Agência tatoli, iha nia kna’ar fatin Sukaer Laran, segunda ne’e.

Konstrusaun UKL unidade 90 ne’e implementa iha postu administrativu hitu mak iha postu administrativu Zumalai konstrui UKL unidade 24 no hosi númeru ne’e UKL unidade tolu (3) foin hahú atu implementa tanba hasoru problema estrada iha aldeia Horbaa, suku Lepo ne’e aat.

Iha postu administrativu Fatululik ne’e konstrui UKL unidade neen (6) ne’ebé atinje ona 100%, iha postu Suai konstrui UKL unidade 15, postu Fatumea konstrui UKL unidade sia (9), postu Maucatar konstrui UKL unidade 12, postu Fohorem konstrui UKL unidade 12 no postu Tilomar konstrui UKL unidade 12 ne’ebé sei inaugura iha tempu badak.

Implementasaun UKL unidade 90 iha tinan fiskal 2021 ne’e, tipu uma 48 metru kuadradu hamutuk 65 no tipu uma 37 metru kuadradu hamutuk 25.

Ekipa Programa Nasional Dezenvolvimentu Suku (PNDS) iha Covalima konstrui Uma Kbiit Laek (UKL) unidade 90, postu administrativu hitu (7) , ne’ebé implementa iha suku 30 ho nia orsamentu hamutuk $1,491,000.00.

Notísia Relevante: Konstrusaun UKL unidade 90 iha Covalima atinje ona 82%

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!