iklan

EDUKASAUN, HEADLINE

MESSK husu apoiu MF osan ba estudante timor-oan fila bá Xina

MESSK husu apoiu MF osan ba estudante timor-oan fila bá Xina

Ministru Ensinu Superiór Siénsia no Kultura, Longuinhos dos Santos. Imajen Tatoli/Egas Cristóvão

DILI, 16 setembru 2022 (TATOLI)–Ministru Ensinu Superiór Siénsia no Kultura (MESSK), Longuinhos dos Santos, haruka ona karta ba Primeiru-Ministru (PM), Taur Mata Ruak, atu komunika ho Ministériu Finansa (MF) hodi ajuda orsamentu balun atu apoiu estudante timor-oan sira filafali kontinua estudu iha nasaun Xina.

“Ha’u halo ona karta ba Primeiru-Ministru atu husu ninia apoiu hodi bele mós ko’alia ho Ministru Finansa, nune’e ajuda tan osan balun tanba fundu ne’ebé ita hetan ona hosi Fundu Dezenvolvimentu Kapitál Umanu (FDCH, sigla portugés) ne’e la sufisiente,” Ministru hateten ba Agência Tatoli foin lalais ne’e, iha Palásiu Governu.

Notísia relevante: MESSK sei prepara orsamentu ba estudante Xina 126

Orsamentu ne’ebé fornese hosi FDCH ho montante $80.000, ba apoiu estudante timor-oan na’in-120 filafali ba kontinua estudu iha Xina maibé osan ne’e la sufisiente.

Tuir Ministru, informasaun ikus ne’ebé iha maka nia halo ona karta ida ba PM atubele konsidera orsamentu ne’ebé maka MESSK analiza la to’o ne’e, nune’e bele husu tan ba MF hodi fasilita tan orsamentu balun.

Governante ne’e relata katak, antes ne’e iha ona desizaun katak orsamentu ne’ebé Governu sei apoiu ne’e ba estudante timor-oan sira ne’e ho montante $300.000, ne’ebé fornese hosi FDCH maibé realidade menus liu, tanba ne’e MESSK husu ba MF atubele apoiu tan.

Antes ne’e, iha ona desizaun katak estudante hamutuk 120 ne’e sei filafai ba kontinua estudu iha nasaun Xina maibé tuir faze, tanba ne’e lista fixu estudante na’in-17 maka sei dezloka uluk kuandu orsamentu preparadu ona.

Jornalista   : Tomé Amado  

Editora        : Julia Chatarina

iklan
iklan

Leave a Reply

iklan
error: Content is protected !!