iklan

BOBONARO, HEADLINE, MUNISÍPIU, SEGURANSA

UPF detein joven na’in-rua hatama motorizada ilegál hosi Atambua

UPF detein joven na’in-rua hatama motorizada ilegál hosi Atambua

Servisu sekreta Unidade Patrullamentu Fronteira (UPF), detein joven na’in-rua ne’ebé hatama motorizada ilegál hosi Atambua. Imajen espesiál.

BOBONARO, 16 setembru 2022 (TATOLI)-Servisu sekreta Unidade Patrullamentu Fronteira (UPF), detein joven na’in-rua ne’ebé hatama motorizada ilegál hosi Atambua, Belu, Provínsia Nusa Tenggara Timur (NTT) mai territóriu Timor-Leste nian.

Komandante UPF, Superintendente Euclides Belo, informa sidadaun na’in-rua ho inisiál CDH (32) hosi munisípiu Dili no ida inisiál MDJS (24) hosi munisípiu Ermera.

Euclides Belo haktuir, timoroan na’in-rua ne’e autoridade seguransa detein liuhosi operasaun rútina iha fronteira terrestre bainhira halo hela atividade tranzaksaun ilegál hodi hatama motorizada marka scopy ida.

Notísia relevante: UPF detein sidadaun Indonézia na’in haat tama ilegál mai TL

“Suspeitu na’in-rua ne’e, ekipa vijilánsia durante oras ualu nia laran, no kaptura iha oras 23:08 kalan bainhira sira hatama motorizada hosi mota sorin área Indonézia nia mai iha TLC 4, iha suku Batugade, postu administrativu Balibo, munisípiu Bobonaro,” refere nota imprensa ne’ebé Agênsia Tatoli asesu sesta ne’e.

Komandante ne’e akresenta, sidadaun na’in-rua daudaun ne’e asegura hela iha kuartél UPF, Nú-Badak, suku Batugade, postu administrativu Balibo, munisípiu Bobonaro.

“Oras ne’e daudaun supeitu na’in-rua lori ona ba kuartél UPF Fatuk-Boot hodi presta deklarasaun hafoin entrega evidénsia no supeitu sira ba eskuadra Batugade hodi kontinua prosesu investigasaun,” refere nota imprensa ne’e.

Notísia relevante: UPF halo apreensaun ba kilat-manu ilegál hosi Atambua

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!