iklan

HEADLINE, MUNISÍPIU, SAÚDE, VIQUEQUE

Inan isin-rua partu labarik 389 iha maternidade Viqueque durante janeiru-agostu

VIQUEQUE, 19 setembru 2022 (TATOLI)–Xefe Sentru Saúde Viqueque Vila, Celestina da Costa Alves, informa, inan isin-rua partu labarik hamutuk 389 iha sentru maternidade Viqueque, hahú fulan-janeiru to’o agostu.

“Daudaun maternidade loke  tan ona Ante Natal Care (ANC), aleinde Kemom-B ne’ebé estabelese, tanba menus fasilidade hodi fó atendimentu ba pasiente sira ne’ebé mai,” Xefe Sentru Saúde, hateten iha Ospital Internamentu Viqueqeu, segunda ne’e.

Nia relata, inan isin-rua sira durante ne’e mai partu iha maternidade no bainhira iha pasiente balun ho  kondisaun grave maka tenke halo transferénsia ba Ospitál Referál Baucau.

“Pesoál saúde sira hosi Kemom-B bainhira haree inan isin-rua ho kondisaun grave, sira labele halo atendimentu. Ami tenke halo transferénsia ba Ospitál Referál  Baucau,” nia akresenta.

Notisia relevante: Postu saúde Macadique menus stock ai-moruk ba inan isin-rua

Sentru Kemom-B ne’ebé establese iha Viqueque Vila, ba futuru bele aumenta rekursu hodi fó atendimentu ba inan isin-rua sira ne’ebé mai partu tanba daudaun ne’e menus pesoál treinadu.

“Ita presiza aumenta rekursu iha futuru, liu-liu rekursu iha Kemom-B hodi fó atendimentu ba inan isin-rua sira. Tanda daudaun ne’e pesoál saúde hanesan parteira treinadu na’in-lima maka serbisu iha ne’e no médiku na’in-ida,” nia tenik.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!