iklan

EDUKASAUN, HEADLINE

Servisu Edukasaun rejista estudante finalista 2.365 Ainaro sei partisipa ezame nasionál

Servisu Edukasaun rejista estudante finalista 2.365 Ainaro sei partisipa ezame nasionál

Mapa munisípio Ainaro. Infografia/Octávio Guterres

DILI, 19 setembru 2022 (TATOLI)–Servisu Edukasaun Munisípiu Ainaro (SEMA) relata dadus estudante finalista nível ensinu báziku, ensinu sekundáriu jerál no tékniku vokasionál hamutuk 2.365 ba Ministériu Edukasaun Juventude no Desportu (MEJD) atu halo verifikasaun hodi bele prepara pontu ezame ba estudante sira.

Diretór Servisu Edukasaun Munisípiu Ainaro, Oscar de Araújo, hateten, dadus estudante finalista ensinu tolu hamutuk 2.365 submete ona ba nasionál, ne’ebé dadus sira ne’e sira hetan ona konfirmasaun hosi eskola sira iha Ainaro molok submete ba nasionál.

“Estudante finalista nível ensinu báziku siklu 3, 9o ano nian ho totál estudante 1.772 kompostu hosi mane 882 no feto 890,” Diretór hateten iha ninia knaar fatin, segunda ne’e.

Notísia relevante: Estudante 4.332 iha Bobonaro sei partisipa ezame nasionál

Estudante finalista ensinu sekundáriu jerál hosi siénsia teknolojia iha 356 kompostu hosi mane 146 feto 210, hosi siénsia sosiál umanidade iha 237 kompostu hosi mane 107 feto 130, enkuantu hosi ensinu sekundáriu tékniku vokasionál (TEKVOK) iha 217 kompostu hosi mane 107 no feto 110.

“Parte eskola garante katak ezame nasionál tuir planu sei realiza iha loron 24 outubru 2022 no sei la’o ho di’ak tanba iha Ainaro rasik konsege halo ona preparasaun di’ak inklui sala aula no fasilidade karteira eskolár sufisiente no adekuadu ba estudante sira atu tuir ezame,” nia akresenta.

Hosi parte nasionál rasik daudaun ne’e halo hela preparasaun atu lori estudante sira bele hasoru ezame nasionál ne’e ho di’ak, tanba ne’e desizaun ne’ebé MEJD fó sai ona katak informasaun kona-ba ezame nasionál sei hein posibilidade MEJD hafoin fila hosi Nasaun Unida.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!