HEADLINE, NASIONÁL, POLÍTIKA

Arsebispu Peña Parra: “Seminarista hanesan futuru igreja no nasaun”

Arsebispu Peña Parra: “Seminarista hanesan futuru igreja no nasaun”

Sua Eminénsia Dom Virgílio Kardeál do Carmo da Silva, SDB no Vise Primeiru-ministru Santa Sé, Arsebispu Edgar Peña Parra, inagura plaka Semináriu Maior Interdiocesano de São Pedro e São Paulo Fatumeta, Dili, kuarta (21/09). Imajen Tatoli/Francisco Sony.

DILI, 21 setembru 2022 (TATOLI)—Vise Primeiru-Ministru Santa Sé ne’ebé substitui hosi Sekretária Estadu, Arsebispu Edgar Peña Parra, kuarta ne’e, halo vizita ba Semináriu Interdiocesano São Pedro no São Paulo, Fatumeta, Dili.

Notísia Relevante: Arsebispu Peña Parra: TL riku tanba joven barak hili vokasaun saserdotál

Arsebispu Peña Parra hateten, seminárista sira-ne’ebé iha semináriu hanesan futuru igreja no futuru nasaun atu bele servisu iha igreja universál.

Vise Primeiru-ministru Santa Sé, Arsebispu Edgar Peña Parra, asina plaka Semináriu Maior Interdiocesano de São Pedro e São Paulo Fatumeta, Dili, kuarta (21/09). Imajen Tatoli/Francisco Sony.

“Vizita ida-ne’e importante tebes. Ha’u to’o ohin loron dehan katak semináriu mak fatin ida ne’ebé igreja bele iha. Tanba, imi mak hanesan nasaun nia futuru no igreja nia futuru ba oin, atu bele servi igreja universal. Tanba ne’e, tenke dezenvolve ita-boot sira-nia an tanba imi mak hanesan futuru ba seminariu ne’e,” Arsebispu Edgar Peña Parra hateten liuhosi diskursu bainhira hala’o vizita ba semináriu Fatumeta.

Reitór Semináriu São Pedro no São Paulo, Fatumeta, Dili, Padre Eduardo de Almeida, hateten vizita hosi Vise Primeiru-Ministru Santa Sé hanesan enviadu Amu Papa Francisco nian mai iha semináriu Fatumeta hodi haree no fó korajen ba seminárista sira.

“Ohin, Arsebispu Edgar Peña Parra iha nia diskursu dehan, vizita ne’ebé nia halo iha ne’e boot liu mak iha semináriu, tanba iha semináriu mak hanesan futuru igreja no futuru nasaun. Sira ne’ebé formasaun iha semináriu ne’e, ne’ebé sai Nai Lulik mak futuru ba igreja. La sai Nai Lulik mak sei sai futuru ba nasaun,” nia dehan.

Hanesan iha tinan 2015, Sekretáriu Amu Papa nia mai mós hanesan, nia to’o dadeer no lorokraik ne’e mai kedas semináriu hodi selebra misa iha ne’e, tanba sira hanesan enviadu Amu Papa nian ne’ebé ba vizita fatin hotu-hotu, tenke fó importánsia ba semináriu.

Sua Eminénsia Dom Virgílio Kardeál do Carmo da Silva, SDB, asina plaka Semináriu Maior Interdiocesano de São Pedro e São Paulo Fatumeta, Dili, kuarta (21/09). Imajen Tatoli/Francisco Sony

“Tanba ne’e, objetivu vizita ne’e mak mai atu fó korazen, lia-menon, aproximasaun no sinál prezensa Amu Papa Francisco nian ho domin, bensaun ba semináriu iha Timor. Tanba ne’e mak ohin nia mai vizita iha semináriu ne’e,” nia hateten.

Reitór Semináriu São Pedro no São Paulo ne’e, sente haksolok tanba bele hetan vizita hosi Amu Papa nia reprezentante enviadu espesiál.

“Ita sente haksolok tanba bele hetan vizita hosi Amu Papa nia reprezentante no nia enviadu espesiál. Tanba nia rasik dehan, ha’u lori Amu Papa nian domin, orasaun no nia bensaun mai imi. Ne’ebé, ba ha’u pesoalmente haksolok no enjerál hanesan sarani ita haksolok,” nia dehan.

Entretatantu, tuir informasaun hosi Reitór Semináriu São Pedro no São Paulo, Fatumeta, Padre Eduardu de Almeida informa, totál seminárista iha semináriu agora daudaun ne’e hamutuk na’in-238 no iha mós Amu Lulik na’in-lima (5).

Enkuantu, tuir observasaun jornalista iha terenu nota katak iha vizita ne’e Arsebispu Edgar Peña Parra ho Sua Eminência, Dom Virgilio Kardeál Do Carmo da Silva, no asina mós plaka iha semináriu ne’e, ne’ebé akompañadu hosi Núncio Apostólika Rezidente iha Malázia no Enkarregadu Negósiu Rezidente iha Timor-Leste no Reprezentante Santa Sé iha Timor-Leste.

Jornalista : Nelia Fernandes

Editór       : Cancio Ximenes

iklan
iklan

Leave a Reply

iklan
error: Content is protected !!