iklan

EKONOMIA, HEADLINE

Brunei kontaktu ona SEFOPE halo rekrutamentu ba traballadór timor-oan 700

Brunei kontaktu ona SEFOPE halo rekrutamentu ba traballadór timor-oan 700

Diretór Jerál SEFOPE, Paulo Alves. Imajen Tatoli/Francisco Sony

DILI, 21 setembru 2022 (TATOLI)—Diretór Jerál Sekretaria Estadu Formasaun Profisionál no Empregu (SEFOPE), Paulo Alves, hateten, sira-nia parte hetan ona kontaktu hosi Timorense Manpower Agency (TMA) hodi halo rekrutamentu ba traballadór timor-oan hodi bá serbisu iha Brunei Darusalam iha área tolu hanesan ospitalidade, agrikultura no konstrusaun.

“Embaixadór Brunei Darusalam kontaktu ona SEFOPE nune’e sira-nia parte liuhosi Diresaun Nasionál Empregu no Exteriór (DNEE) atu halo prosesu mobilizasaun ba timor-oan,” Diretór Jerál informa iha edifísiu SEFOPE, Caicoli, kuarta ne’e.

Notísia relevante: TMA sei rekruta timor-oan serbisu iha Brunei Darusalam

Aleinde ne’e, fulan kotuk parte SEFOPE asina ona akordu ho Sentru Formasaun sira ne’ebé tutela iha SEFOPE hodi halo mobilizasaun ba timor-oan sira bá serbisu iha área tolu.

Iha sorin seluk, TMA iha ona planu rekrutamentu ba traballadór 700 resin maibé data loloos atu fó sai ba públiku mak seidauk hatene.

Antes ne’e, iha fulan-agostu liubá Embaixadór Timor-Leste iha Brunei Darusalam, Abel Guterres, lori jerente ajénsia TMA hodi hasoru Primeiru-Ministru, Taur Matan Ruak, hodi ko’alia kona-ba kampu traballu.

Jornalista   : Arminda Fonseca

Editora        : Julia Chatarina

iklan
iklan

5 Comments

  1. Timor Leste atu sai oinsa los iha tinan 10 no 20 oin mai, se governo ida sae nia politika mak haruka trabalhador ba exeterior.

Leave a Reply

iklan
error: Content is protected !!