EKONOMIA, HEADLINE

Governu altera dekretu-lei ezersísiu no lisensiamentu atividade ekonómika

Governu altera dekretu-lei ezersísiu no lisensiamentu atividade ekonómika

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (21/09). Imajen Tatoli/Francisco Sony

DILI, 21 setembru 2022 (TATOLI)—Governu liuhosi reuniaun Konsellu Ministru (KM) ordinária, kuarta ne’e, aprova projetu dekretu-lei, ne’ebé aprezenta hosi Ministru Koordenadór Asuntu Ekonómiku (MKAE), Joaquim Amaral, ba alterasaun dahuluk dekretu-lei númeru 34/2017, loron 27 setembru, kona-ba ezersísiu no lisensiamentu ba atividade ekonómika sira.

“Ho alterasaun ida-ne’e sei laiha tan distinsaun ne’ebé tuir risku atividade no fó dalan ba aprovasaun kuadru komun hodi klasifika atividade ekonómika sira ne’ebé hanaran klasifikasaun atividade ekonómika Timor-Leste,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.

Notísia relevante: Programa rejistu móvel SERVE, I.P konsege alista empreza 500

Portavós Governu dehan, Governu hakarak halo hotu rejime tipu autorizativu ne’ebé daudaun ne’e vigora hela, ne’ebé laiha razaun mosu prosedimentu burokrátiku, ho objetivu atu hetan efisiénsia servisu no liberdade inisiativa inklui jestaun emprezariál ne’ebé loloos hosi setór privadu, kooperativu no sosiál, hanesan hatuur ona iha Konstituisaun Repúblika Demokrátika Timor-Leste, artigu 138.

Nune’e, propoin atu halo prosesu lisensiamentu ho transparente no simples, liuhosi konsolidasaun reforma lisensiamentu ba atividade ekonómika, ne’ebé hahú iha tinan lima liubá hodi klarifika prosedimentu sira, habadak prazu no hamenus enkargu sira hodi loke negósiu iha rai-laran.

Jornalista   : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!