COVALIMA, MUNISÍPIU

CTFJTL entrega prémiu ba manán-na’in jogu sub-12 no 16 iha Covalima

CTFJTL entrega prémiu ba manán-na’in jogu sub-12 no 16 iha Covalima

Vise Prezidente Sentru treinamentu foteból Juvenil nasional, Agostinho Mesquita Martins entrega prémiu ba ekipa futeból Lolowa sai primeiru lugar iha jogu no festival sub-12 no sub-16 ne’ebé realiza iha Covalima. Imajen Tatoli/Celestina Teles.

COVALIMA, 22 setembru 2022 (TATOLI)–Centro Treinamento Futeból Juvenil Timor-Leste (CTFJTL) entrega premiu ba manan-na’in sira hafoin ramata jogu juvenil no festivál sub-12 no sub-16 ne’ebé realiza iha Covalima.

Notísia Relevante: Administradór Suai halo abertura jogu juvenil no festival sub-12 iha Covalima

Prezidenti Asosiasaun Futeból Covalima, Agostinho Henrique, hateten CTFJTL entrega ona prémiu ba ekipa futeból Lolwa ne’ebé okupa fatin sai primeiru lugar, Sentru Suai Loro sai segundu lugar no ekipa futeból Lukalai sai terseiru lugar.

“Ha’u hato’o agradese ba Sentru juvenil munisípiu Covalima, ho tempu limitadu maibé imi bele aselera imi-nia talentu no ba oin sei hadi’a di’akliu. Maske organiza eventu simples maibé ho ambiente ne’ebé mak familiar,” Prezidenti Asosiasaun Futeból Covalima, Agostinho Henrique, hato’o liuhosi nia diskursu bainhira ensera jogu juvenil, iha kampu Ladi munisípiu Covalima.

Jogu ida ne’e atu prepara halo selesaun no bainhira liu selesaun sei hamutuk ho sira-nia kolega iha nasionál hodi prepara no reprezenta Timor-Leste atu partisipa iha jogu CPLP.

Tanba ne’e, nia dehan, atu sai jogadór tenke iha fíziku, tékniku, prátika no mentalidade ne’ebé di’ak, nune’e jogadór sira badinas mai treinu no sira labele bosan maibé tenke esforsu.

Vise Prezidente Sentru treinamentu footbal Juvenil Timor-Leste, Agostinho Mesquita Martins reforsa, Centro Juvenil Timor-Leste prepara jogadór iha kualker fatin, Governu liuhosi Sekretáriu Estadu Juventude no Desportu prepara jogadór sira hahú hosi baze, nune’e bele reprezenta munisípiu no nasaunTimor-Leste (TL).

Centro Treinamentu Futeból Juvenil Timor-Leste (CTFJTL) entrega premiu ba klubu sub-12 no 16 ne’e, klubu Lolowa sai primeiru lugar ne’ebé simu trofeu ho osan $175, klubu Sentru Suai Loro sai segundu lugar ne’ebé simu trofeu no osan hamutuk $100 no terseiru lugar mak klubu Lukalai ne’ebé seimi trofeu no osan hamutuk $50.00 no kuartu lugar mós simu osan $50.00

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!