VIQUEQUE, 22 setembru 2022 (TATOLI)--Estudante Eskola Ensinu Sekundáriu Jerál (ESJ) Sabika Besi Kulit, Uatulari hamutuk 287 sei partisipa ezame nasionál iha fulan-outubru.
“Ami submete ona sira-nia naran ba naaionál,” Diretór Eskola ESJ Sabika Besi Kulit, Adilino da Cruz, hateten iha ninia kanar fatin, Uatulari, kinta ne’e.
Materia ba ezame nasionál nian profesór sira t fó hotu ona ba estudante sira hodi estuda.
“Nune’e mós matrix ne’ebé Ministériu Edukasaun Juventude no Desportu (MEJD) haruka mai ami-nia eskola, ami sei repete filafali ba estudante sira. Ha’u mós fó ona orientasaun ba profesór sira hodi halo esforsu hanorin hotu matrix ba estudante sira. Daudaun ne’e profesór sira oferese ona dena aula no biografia estudante sira inklui númeru estudante sira ne’ebé hein ezame iha loron 24 outubru 2022,” nia akresenta.
Notísia relevante: Servisu Edukasaun rejista estudante finalista 2.365 Ainaro sei partisipa ezame nasionál
Estudante iha Eskola ESJ Sabika Besi Kulit hamutuk 287, kompostu hosi Siénsia Teknolojia hamutuk 146 no Siénsia Sosiál hamutuk 141.
Estudante finalista iha munisípiu Viqueque, iha Ensinu Báziku Sentrál hamutuk 1.897, Sekundáriu 1.306 no Eskola Tékniku Vokasionál hamutuk 96.
Jornalista : Vitorno Lopes da Costa
Editora : Julia Chatarina
