NASIONÁL, POLÍTIKA

Muhammadiyah-NU respeita TL implementa fraternidade umana entre relijiozu sira

Muhammadiyah-NU respeita TL implementa fraternidade umana entre relijiozu sira

Reprezentante Muhammadiyah, Ustadz Musta'in. Imajen/Espesiál.

Dili, 22 Setembru 2022 (TATOLI)—Reprezentante Muhammadiyah no Nadahtul Ulama (NU) apresia inisiativa Timor-Leste (TL) hodi implementa fraternidade umanu entre komunidade relijiozu sira.

Notísia Relevante: Abdullah Said Sagran: Implementasaun fraternidade umana envolve valór relijiaun

“Ha’u apresia tebes tanba iha mós similaridade ho programa Muhammadiyah nian ne’ebé relasiona ho umanitáriu ho kultura no haklaken nu’udar ema, ita hotu tenke fila fali ba ita-nia umanidade. Tuir loloos ita hotu tenke hanoin kona-ba ida-idak nian,” reprezentante Muhammadiyah, Ustadz Musta’in, hateten ba Agência Tatoli, iha Balide, Dili, kinta ne’e.

Timor-Leste bele mantein unidade entre ninia povu ho di’ak no ida-ne’e mós oras ne’e daudaun luta hela ba nasaun seluk, tanba ne’e laiha ema ida-ne’ebé di’akliu fali ema seluk, sira ida-idak mak manán malu, sira-nia na’in-ulun no Governu.

Ho implementasaun fraternidae umana ho maun-alin sira-ne’e, komunidade relijiozu sira bele servisu hamutuk maske iha diferensa prinsípiu entre nia sidadaun sira.

Diferensa ne’ebé eziste la’ós atu hatudu ba malu aas liu fali ida seluk, maibé atu koñese malu no kaer metin prinsípiu unidade, maun-alin, igualdade no liberdade.

“Tan ne’e, ha’u hanoin katak presiza hadi’a buat sira-ne’e, ida-ne’e mós kona-ba ita-nia maun-alin sira hotu ne’ebé presiza tulun,” nia dehan.

Reprezentante Nadahtul Ulama (NU), Inayah Wulandari, hateten importante tebes ba maluk kristaun sira iha mundu ne’ebé agora daudaun iha problema laran to’o sira buka de’it nasaun barak atu serbisu hamutuk.

“Ida-ne’e importante tanba tempu to’o ona atu hasa’e umanidade aas liu fali ema seluk, se lae ita nu’udar ema sei sai ema tanba ita la luta ba meiu-ambiente, tráfiku, ekonomia, buat ne’ebé ita iha,” nia dehan.

Nia sente, Governu Timor-Leste haree ona nesesidade no hahú ida-ne’e, buat ida-ne’ebé apresia no importante tebes.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!