DEFEZA, HEADLINE

Ró Pasífiku Reliant husi Austrália vizita TL hodi apoia umanitária

Ró Pasífiku Reliant husi Austrália vizita TL hodi apoia umanitária

Ró ho marka pasífiku Reliant 9752254 IMO husi Austrália. Imajen espesiál

DILI, 22 setembru 2022 (TATOLI)-Ró ho marka pasífiku Reliant 9752254 IMO husi Austrália halo vizita dauluk mai Timor-Leste durante loron tolu hodi fó assisténsia umanitária durante sira nia estadia iha Timor.

Ró Pasífiku Reliant ne’e konstrui iha 2017 ho naruk metru 102 no halai ho velosidade 12 not, bele tula sasan ho kapasidade rihun 90 tonelada no permite tula de’it ema nain 60.

Misaun hosi ró ne’e rasik maka apoiu envolvimentu rejionál sira, levantementu hidrográfiku, fó ajuda ho kapasitasaun ba ita-nian viziñu sira, fornese apoiu saúde, assisténsia umanitária persisitenste, fornese apoiu militár, fornese apoiu ba evakuasaun, apoiu ba dezastre ho nia kontinuasaun, fó asistensia iha misaun buka no salva.

Notísia relevante: Timor-Leste ho Austrália asina akordu kooperasaun defeza

Kapitaun ró pasífiku Reliant, Tenente Wilson, hateten objetivu hosi prezensa ró pasífiku Reliant 9752254, demostra  kapasidade no abilidade husi  ró ne’e ba Timoroan sira.

“Ko’alia ho governu liuhosi Ministru Defeza oinsá maka bele fó assisténsia umanitária ba povu Timor bainhira  mosu dezastre ruma  iha  Timor, tanba ró ne’e nia misaun maka fó assisténsia umanitária”, Tenente Wilson ba jornalista sira hafoin  akompaña ofisiál sira hosi FALINTIL-Forsa Defeza Timor-Leste  (F-FDTL) ne’ebé halo vizita ba ró  Pasífiku Reliant, iha Portu Dili, kinta ne’e.

Ró ne’e to’o iha Dili kinta (22/9) dader hosi Austrália no dadaun ne’e atraka iha Portu Dili, lori ekipa ema nain 30, maioria forsa navál Austrália.

Tuir ajenda, Xefe Estadu Maiór Jenerál FALINTIL- Forsa Defeza Timor-Leste (F-FDTL), Tenente Jenerál Falur Rate Laek, maibé tanba okupadu ho ajenda seluk entaun reprezenta hosi nian ofisiál sira no mós Komandante Jerál Polísia Nasionál Timor-Leste (PNTL), Komisáriu Faustino da Costa.

Fila hosi Timor, ró pasífiku Reliant 9752254 (organizasaun marítima internasionál, IMO, sigla inglés) sei vizita mós Papua Nova Guine no nasaun sira iha Ázia Pasífika.

Jornalista       : Natalino Costa   

Editora           : Rita Almeida

iklan
iklan

Leave a Reply

iklan
error: Content is protected !!