iklan

INTERNASIONÁL, HEADLINE, LIFESTYLE

­ RAEOA -TTU oferese lembransa produtiva hametin relasaun amizade

­ RAEOA -TTU oferese lembransa produtiva hametin relasaun amizade

Prezidente Autoridade TTU, Juandi David no Adjunta Prezidente Autoridade RAEOA, Leonia da Costa Monteiro, foto hamutuk hafoin troka lembransa (cindramata) iha ámbitu enseramenru aniversáriu Kefamenanu ba dékada ida. Imajen mídia ZEESM.

KEFAMENANU, 22 setembru 2022 (TATOLI) – Prezidente Autoridade Timur Tengah Utara (TTU), Juandi David akompaña ho Adjuntu Euzabius Binsasi, oferese lembransa produtiva ba ekipa delegasaun Autoridade Rejiaun Administrativa Espesiál O­é-Cusse (RAEOA), liderada Leonia da Costa Monteiro, hodi hametin relasaun amizade entre RAEOA ho TTU.

Seremónia oferese lembransa (cindramata) ne’e oferse ba malu iha ámbitu enseramentu aniversáriu tinan 100 ezisténsia sidade Kefamenanu, iha kinta ne’e.

Nune’e lembransa ne’ebé delegasaun Autoridade RAEOA oferese ba Autoridade TTU maka produtu tua figus no kafé, no Autoridade TTU oferese dokumentu ofisiál hosi populasaun TTU ba Autoridade RAEOA.

“Ami oferese lembransa ne’e ba Adjunta Prezidente Autoridade RAEOA ho delegasaun, ida-ne’e ita espera ba ita-nia relasaun amizade rai rua nian entre Timor-Leste ho Indonézia, espesialmente distritu TTU ho Oé-Cusse metin nafatin, tanba ita rai ida de’it kultura no lian ida de’it, baiqueno hotu maibé hafahe ita iha fronteira,” Juandi David, hatete, iha ámbitu enseramentu komemorasaun aniversáriu sidade Kefamenanu ba tinan 100.

Autoridade TTU ne’e, agradese ba komunidade RAEOA tanba durante loron haat, hahú hosi segunda, 19 setembru to’o 22 setembru, promove produtu sira mai hosi Oé-Cusse iha serimónia komemorasaun aniversáriu tinan 100 ba sidade Kefamenanu.

“Ha’u-nia hakuak boot ba imi hotu, ami espera ita relasaun ne’e presiza hametin liután iha futuru, tanba ita mesak Atoni hotu ho identidade kultura hanesan, tán ami agradese ba imi-nia prezensa mai hamutuk ho komunidade komemora ezisténsia Kefamanenu nia tinan ezisténsia ba tinan 100,” nia afirma.

Adjunta Preziente Autoridade RAEOA, Leonia da Costa Monteiro, reprezenta Prezidente Autoridade RAEOA, parabeiza povu TTU, espera liuhosi aniversáriu sidade Kefamenanu bele hametin liután kooperasaun hodi kontribui ba prosesu dezenvolvimentu.

“Autoridade RAEOA agradese no parabéns ba povu iha Timur Tengah Utara, tanba tinan ne’e selebra tinan ba dala-100, lori nasaun Timor-Leste, espesiál povu Oé-Cusse hanesan rai viziñu hakarak kongrutula no hato’o parabéns ba sidade Kefamenanu no hakarak hato’o agradese mós ba komisaun organizadora, tanba oferese konvite ba autoridade RAEOA hodi mai partisipa iha momentu importante ne’e,” Leonia da Costa Monteiro, iha nia diskursu enseramentu komemorasaun aniversáriu iha kampu edifisiu administradór TTU.

Notísia relevante: Autoridade promove tais Oé-Cusse iha karnavál aniversáriu sidade Kefamenanu

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!