iklan

COVALIMA, INKLUZAUN SOSIÁL, POLÍTIKA

SSI Covalima seidauk finaliza levantamentu dadus komunidade problema bem-star sosiál

SSI Covalima seidauk finaliza levantamentu dadus komunidade problema bem-star sosiál

Diretòr Sentru Solidaridade Sosial no Inkluzaun Covalima, Agapito Asis. Imajen Tatoli/Celestina Teles.

COVALIMA, 23 setembru 2022 (TATOLI)–Diretór Sentru Solidariedade Sosial no Inkluzaun Covalima, Agapito Asis informa, Tékniku Sentru Solidariedase Sosiál seidauk finaliza levantamentu dadus ba komunidade ne’ebé ema ho problema bem-star sosiál iha Covalima.

Notísia Relevante: SSI rejista komunidade problema bem-star sosiál provizóriu na’in-3094 iha Covalima

“Progresu levantamentu dadus komunidade ho problema bem-star sosiál, ba etapa dahuluk kobre ona postu administrativu sira iha Covalima maibé haree ba tempu no menus rekursu iha suku balun, ita seidauk kobre mak hanesan iha postu administrative Zumalai no Suai,’ Agapito Asis hateten ba jornalista sira, iha resintu kongregasaun irmas Hospitaleira, Santa Rosa, sesta ne’e

Tékniku sentru sosilidariedade sosiál seidauk kobre levantamentu dadus komunidade ho problema bem-star sosial hanesan iha postu administrativu Suai ne’e iha suku Beco no suku Camanasa ne’e falta de’it aldeia balun mak seidauk kobre.

Iha postu administrative Zumalai ne’e, tekniku sentru sosilidariedade sosiál Covalima seidauk kobre iha suku sira hanesan Usecai, Lour, Lepo tanba iha área rurál ne’ebé defisil asesu transporte no menus rekursu umanu.

Maske hasoru difikuldade menus rekursu umanu maibé diretór ne’e buka meiu hodi halo esforsu, tekniku sira-ne’e nafatin halo levantamentu dadus iha postu administrativu sira-ne’ebé seidauk konsege kobre.

Dadaun ne’e, tekniku sentru sosilidariedade sosiál Covalima sira iha  terrenu hodi foti dadus komunidade sira-ne’ebé mak problema ho bem-star sosiál, nune’e bele finaliza no hodi haruka ba nasionál.

Durante ne’e, tekniku sira mós finaliza ona levantamentu dadus iha postu administrativu sira hanesan Fohorem, Fatululik, Fatumea, Tilomar no Maucatar, maibé seidauk akumula dadus komunidade ne’ebé ho problema bem-star sosiál.

Jornalista : Celestina Teles

Editór        : Cancio Ximenes

iklan
iklan

Leave a Reply

iklan
error: Content is protected !!