iklan

COVALIMA, POLÍTIKA

Covalima rejista benefisiáriu hamutuk 18,573 sei simu subsídiu anuál $200

Covalima rejista benefisiáriu hamutuk 18,573 sei simu subsídiu anuál $200

Diretòr Apoiu ONG Covalima, Agostinho Mendonça. Imajen Tatoli/Celestina Teles.

COVALIMA, 26 setembru 2022 (TATOLI)–Diretór Apoiu Organizadaun Naun Governamentál (ONG) munisípiu Covalima, Agostinho Mendonça “Ran Nakali”, informa iha munisípiu Covalima rejista benefisiáriu ba subsídiu anuál $200 ba uma kain ne’e hamutuk uma kain na’in-18.573.

Notísia Relevante: Preparasaun subsídiu $200 ba uma kain atinje ona 75%

“Ami foti dadus benefisiariu ne’ebé mak benefisia ba subsídiu anuál iha suku 30 iha munisípiu Covalima ne’e, xefe família hamutuk  18.573 ne’ebé mak aprova atu simu subsidiu  $299 ba uma kain no prenxe kietéria ne’ebé ami submete ona,” Agostinho Mendonça hateten ba jornalista sira,  iha nia kna’ar fatin, Sukaer Laran, segunda ne’e

Dadus ne’ebé mak aprovadu iha Xefe Família 18.573 mai hosi postu administrativu sira hanesan postu administrative Fatumea iha uma-kain hamutuk 964, Futululik uma kain 730, Fohorem iha uma kain 1.463, Maucatar iha uma kain 2. 902, Suai iha uma kain 6.223, Tilomar iha uma kain 2.344 no postu administrative Zumalai iha uma kain 3,947

Bazea ba dadus ne’ebé haruka hosi nasionál mai iha munisípiu no halo verifikasaun mak uma kain 18.573, maibé iha mós dadus adisionál ne’ebé ami simu ba sidadaun sira-ne’ebé forma família foun no balun divorsiu ne’e hamutuk 1.805.

Dadus sira-ne’e atu prenxe  kritéira ka lae, sira-nia parte haruka hotu ona ba nasionál ne’ebé ohin Ministériu Administrasaun Estatál sei submete ba Ministériu Solidariedade Sosial no Inkluzaun (MSSI).

Rekeziku atu benefisia subsidiu anuál hosi Governu mak hanesan, tenke iha fixa família iha kartaun eleitorál hafoin aprova bele simu subsiídiu.

“Dadus sira-ne’e ha’u-nia funsináriu sira tun ba terreñu hodi identifika loloos dadus durante loron haat, depois ami verifika dadus ne’e iha suku sira-ne’ebé iha iha munisípiu Covalima,” nia dehan.

Jornalista   : Celestina Teles

Editor         : Cancio Ximenes

iklan
iklan

Leave a Reply

iklan
error: Content is protected !!