iklan

DILI, POLÍTIKA

PN baixa lejislativa limitasaun idade reformadu FP ba komisaun A

PN baixa lejislativa limitasaun idade reformadu FP ba komisaun A

Prezidente Parlamentu Nasionál, Aniceto Longuinhos Guterres Lopes. Imajen Tatoli/Antonio Daciparu.

DILI, 27 setembru 2022 (TATOLI)—Parlamentu Nasionál (PN), tersa ne’e, liuhosi reuniaun plenária anúnsiu admisaun no baixa  ba komisaun A trata asuntu Justisa no Konstituisional  ba proposta lei númeru 43/V (4a)-Autorizasaun lejislativa iha matéria Fixasaun limite idade reformadu ba relasaun traballu funsionáriu públiku (FP) no ajente administrativu públiku.

Notísia Relevante: Profesór idade reformadu 2.060 sei kontinua serbisu

“Meza anunsia baixa propost- lei ne’e ba komisaun A atu bele halo apresiasaun inisiál, relatóriu no paresér prazu loron 15,” Prezidente Parlamentu Nasionál, Aniceto Longuinhos Guterres Lopes, fó sai iha  sala plenária PN, tersa ne’e.

Nune’e, tuir nia, komisaun espesializa bainhira halo apresiasaun hotu sei haruka fila-fali ba iha meza Parlamentu Nasionál (PN) hodi halo diskusaun iha faze jeneralidade.

Maske nune’e ,substánsia ba prospota autorizasaun lejislativa ne’e seidauk fó sai detallu tanba komisaun sei hala’o uluk apresiasaun inisiál.

Antes ne’e, Prezidente Komisaun Funsaun Públika (KFP), Faustino Cardoso, hateten KFP hatama artigu ida ba proposta dekretu-lei kona-ba reforma nian tanba hakarak ka lakohi funsionáriu públiku ida mak idade to’o ona 60 tenke reforma.

Ho razaun atu fó biban fali ba jerasaun foun sira atu bele revitaliza fali funsaun públika, konforme estrutura demografia ne’ebé domina hosi idade joven.

“Komisaun hato’o proposta ida-ne’e ba Primeiru-Ministru, Taur Matan Ruak, depois mak hatama diskusaun iha nivel asesór sira iha gabinete PM maibé depois KFP hetan informasaun katak buat ida limitasaun idade efetiva servisu ema ida-nian ne’e, kompeténsia eskluziva Parlamentu Nasionál nian la’ós kompeténsia Governu nian,” nia hateten.

Governu iha kompeténsia lejislativa liuhosi dekretu-lei maibé tanba kompeténsia eskluziva PN nian, ne’ebé signifika katak buat hirak ne’e tenke regula iha lei.

Maibé, tanba de’it lei Seguransa Sosiál (SS) iha tiha ona signifika presiza de’it fasilita atu halo alterasaun ba lei seguransa sosiál ne’e, iha ámbitu ne’e rona mós opinaun téknika asesoria nian hosi gabinete PM entaun KFP halo komunikasaun ho PN liuhosi deputadu sira no KFP aprezenta ona proposta altersaun ba lei númeru 12/2016, kona-ba SS nian.

Hosi lei númeru 12/2016 ne’e ezije hetan alterasaun hodi hatama artigu ida espesífiku reforma obrigatória no agora iha hela responsabilidade PN nian.

Maibé KFP kontinua halo komunikasaun nune’e oinsá tau prioridade alterasaun lei númeru 12/2016 kona-ba Seguransa Sosiál ne’e atu asegura prinsipiu obrigatóriadade reforma ne’e.

Kona-ba post alterasaun reforma ninian, nia hateten, desde tinan rua liubá antes COVID-19 ne’e KFP halo tiha ona proposta dekretu-lei ida kona-ba planeamentu forsa traballu no iha proposta dekretu-lei ida-ne’e KFP mós hatama artigu ida-ne’ebé mak define kona-ba idade másimu servisu efetivu sidadaun ida-nian iha funsaun públika.

Notísia Relevante: https://tatoli.tl/2022/02/03/cfp-seidauk-iha-baze-legal-obriga-funsionariu-2000-resin-reforma/

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!