iklan

EKONOMIA, COVALIMA, POLÍTIKA

Janeiru-setembru: floresta Covalima kontribui reseita $7.000-resin ba kofre Estadu

Janeiru-setembru: floresta Covalima kontribui reseita $7.000-resin ba kofre Estadu

Osan Dolar Amérika. Imajen/Espesiál

COVALIMA, 29 setembru 2022 (TATOLI)–Xefe Departamentu Reprezentasaun Territoriál Floresta Planu Indústria, Francisco Sarmento relata, hahú hosi janeiru to’o setembru tinan ne’e, Floresta Covalima kontribui ona reseita $7.000-resin ba kofre Estadu.

Notísia Relevante: Abril-Jullu: Floresta Covalima kontribui reseita $1,800 ba kofre Estadu

“Hahú hosi fulan janeiro to’o setembro tinan ne’e ami kontribui reseita $ 7.000-resin ba kofre Estadu ita hein to’o fulan dezembru ami bele kontribui reseita $8.000-resin ba kofre Estadu,” Francisco Sarmento informa ba Agência Tatoli, iha resintu Administrasaun Covalima, kinta ne’e.

Reseita sira-ne’e, floresta Covalima kontribui liuhosi fonte negosiánte sira-ne’ebé mak halo negósiu hodi transporta ai hosi Covalima ba iha nasionál hodi halo negósiu., hanesan ai indútria ne’ebé mak negósiante sira transporta maiória ai teka no nia presu kada kúbiku $25.00 ne’ebé negósiante sira selu iha banku BNU hafoin tékniku floresta sira simu resivu.

“Ita-simu de’it resibu hosi negosiánte sira bainhira selu iha Banku BNU ita halo kalkulasaun kada kúbiku ai valór taxa ba Estadu ne’e $25 ne’ebé maória transporta ai-teka,” nia dehan.

Aleinde relata reseita ne’ebé konribui reseita ba Kofre Estadu, nia mós relata programa ne’ebé mak durante ne’e floresta Covalima implementa durante trimester dahuluk no datoluk iha munisípiu Covalima.

Programa ne’ebé mak durante ne’e implementa mak hanesan viveiru komunitária ne’ebé estabelese iha postu administrativu Suai.

Progresu implementa viveiru komunitáriu agora atinje ona bazea ba trajetu prepara ai 15.000 hanesan ai-mahoni, ai-kakeku no ai-indústria seluk ne’ebé bele distribui ba komunidade sira bele kuda.

“Ita agora atinje ona 9000 hein de’it trimester dahaat ne’e, ita atu atinje ona 15.000 ai-oan, tanba ne’e sei kontribui implementa hela,” nia hateten.

iklan
iklan

Leave a Reply

iklan
error: Content is protected !!