iklan

BOBONARO, HEADLINE, MUNISÍPIU, POLÍTIKA

Sede suku Manapa muda ona ba mini merkadu Biabubu

Sede suku Manapa muda ona ba mini merkadu Biabubu

Komunidade sira tula hela sasán ba kareta hosi sede suku Manapa, postu administrativu Cailaco tuan ba sede suku foun iha mini merkadu Biabubu. Imajen espesiál.

BOBONARO, 29 setembru (TATOLI)—Xefe suku Manapa, postu administrativu Cailaco, munisípiu Bobonaro, Zeferino Loco-Bere, kuarta ne’e hamutuk ho komunidade sira foti sai sasán ekritoriu hodi muda sede suku ba mini merkadu Biabubu.

Notísia relevante: Xefe suku Manapa sei muda sede suku ba mini merkadu Biabubu

“Ohin, loron 28 setembru ne’e sede suku Manapa muda ba sede suku foun ne’ebé maka iha mini merkadu tanba durante ne’e abandona entaun ami uza ba sede suku,” Xefe suku Manapa informa ba jornalista sira, iha sede suku tuan, Manapa, kinta ne’e.

Mini merkadu ne’e pertense ba suku Ritabou, postu administrativu Maliana, maibé xefe suku, maibé uza hodi halo serbisu estadu nian atubele fó atendimentu administrasaun ba komunidade suku Manapa.

Maibé Zeferino dehan, rai iha mini merkadu ne’e, estadu seidauk define divizaun territoriál loloos, tanba ne’e uma ne’e la’ós uma privadu nune’e kualkér sé de’it maka atu halo serbisu estadu nian, bele utiliza bainhira hetan ona orientasaun hosi ministériu kompetente.

“Uma ne’e hosi komérsiu indústria nian, despaxu mós iha tiha ona atu harii sede suku, ne’ebé ami-nia sede suku ne’e hetan ameasa hosi mota, depois iha ema-nia rai na’in mós agora mai tuir daudaun ona, parte sorin mós agora ema atu lori fatuk rai-henek fakar ona tanba rai privadu, ami tenke muda ba duni,” nia akresenta.

Suku Manapa iha aldeia tolu mak hanesan; Tapo-Meak, Lugu-luli no Tateluri ho totál abitante na’in 2.076 mai hosi uma-kain 507.

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!