iklan

HEADLINE, MUNISÍPIU, VIQUEQUE

SEKoop kapasita membru kooperativa uniaun kréditu Viqueque

SEKoop kapasita membru kooperativa uniaun kréditu Viqueque

Prezidente kooperativa uniaun kréditu brigada fitun foin-sa’e, Agusto Pinto. Imajen Tatoli/Vitorino Lopes da Costa

VIQUEQUE, 29 setembru 2022 (TATOLI)–Sekretaria Estadu Kooperativa (SEkoop) halo kapasitasaun membru kooperativa uniaun kréditu brigada fitun foin-sa’e iha munisípiu Viqueque.

“Ami estabelese ona kooperativa uniaun kréditu brigada fitun foin-sa’e no halo ona asembleia kooperativa hodi hili estrutura. Antes ne’e ami estabelese kooperativa, ami hetan uluk kapasitasaun hosi Sekoop,” Prezidente kooperativa uniaun kréditu brigada fitun foin-sa’e, Agusto Pinto, hateten ba Agência Tatoli, iha postu Viqueque vila, kinta ne’e.

Notísia relevante: Kooperativa KTM Viqueque prodús ai-lia sai rebusadu 

Tuir jerente ne’e, objetivu harii kooperativa atu reforsa ekonomia liuhosi negósiu no responde ba nesesidade membru kooperativa nian, ho ninia área prioridade maka fó kréditu maibé dahuluk fó membru sira empresta.

“Daudaun ne’e ami sei prepapra dokumentu kréditu tanba ami harii iha agostu 2022. Nune’e ami planu iha fulan-outubru hahú fó uluk kréditu ba membru sira ne’ebé hakarak halo kréditu. Kréditu ne’e fó livre ba membru sira foti $500, kada fulan ninia funan 3% ne’ebé bainhira konverte ba osan $30, kréditu to’o $1.000 ninia funan nafatin 3%, depende ba kuantidade membru sira foti,” nia akresenta.

Daudaun ne’e, kooperativa iha fundu $400.000 no totál membru hamutuk 50.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!