iklan

EDUKASAUN, HEADLINE

Merenda eskolár ba estudante 14.745 iha Manufahi ho kustu $206.162,50

Merenda eskolár ba estudante 14.745 iha Manufahi ho kustu $206.162,50

Diretór Edukasaun Munisípiu Manufahi, Trinito Sarmento. Imajen Tatoli/Domingos Piedade Freitas

DILI, 30 setembru 2022 (TATOLI)–Diretór Servisu Edukasaun munisípiu Manufahi, Trinito Sarmento, relata katak programa merenda eskolár ba estudante 14.745 hosi nível ensinu pre-eskolár no ensinu báziku públiku.

“Orsamentu ba programa merenda eskolár hetan alokasaun hosi Ministériu Administrasaun Estatál (MAE) ba konta bankária kada munisípiu, hafoin sei transfere filafali ba kada eskola sira atubele ezekuta tuir planu no programa ne’ebé define ona,” Diretór informa ba Agência Tatoli, via telefónika, sesta ne’e.

Notísia relevante: Estudante 19.137 Viqueque kontinua hetan merenda eskolár maski la efetivu

Servisu Edukasaun munisípiu Manufahi iha faze levantamentu dahuluk foti $318.760,50, maibé la konsege ezekuta hotu, hafoin foti tan levantamentu daruak $206.162,50, ne’ebé orsamentu ne’e sei uza to’o dezembru.

Estudante 14.745 kompostu hosi edukasaun pre-eskolár 1.811 no ensinu báziku 12.934, ne’ebé estudante sira mai hosi eskola publika hamutuk 65.

“Programa merenda eskolár dezde inísiu to’o ohin loron la’o ho di’ak no laiha fallansu. Tanba munisípiu rasik orienta ona eskola iha Manufahi atu aplika programa ne’e tuir padraun hosi ministériu. Ita-nia eskola hamutuk 65 iha Manufahi aplika programa merenda eskolár ho di’ak no sira kumpre padraun ne’ebé Governu deside ona inklui menu ai-han rasik,” nia tenik.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!