iklan

HEADLINE, MUNISÍPIU, VIQUEQUE

Servisu Edukasaun Viqueque simu ona karteira eskolár unidade 600 hosi MEJD

Servisu Edukasaun Viqueque simu ona karteira eskolár unidade 600 hosi MEJD

Ekipa hosi Servisu Edukasaun Viqueque hahú distribui karteira eskolár ba eskola sira, sesta (30/09). Imajen Tatoli/Vitorino Lopes da Costa

VIQUEQUE, 30 setembru 2022 (TATOLI)--Servisu Eduksaun munisípiu Viqueque simu ona karteira eskolár (meza no kadeira) unidade 600 hosi Ministériu Edukasaun Juventude no Desportu (MEJD), iha segunda (26/09).

Diretór Servisu Edukasaun munisípiu Viqueque, Emídio Amaral, hateten, fasilidade hirak ne’e sei distribui ba eskola sira ne’ebé menus fasilidade.

“Ita distribui ona ba eskola sira iha postu Ossu, Uatulari no Uatucarbau maka hetan uluk, enkuantu postu rua seidauk, nune’e ita sei presiza karteira no meza hodi distribui tan ba eskola sira ne’ebé menus fasilidade,” Diretór informa ba Agência Tatoli, iha ninia knaar fatin, Beloi, sesta ne’e.

Notísia relevante: MEJD distribui karteira eskolár 1.565 ba eskola 20 iha munisípiu tolu

Proposta hosi Servisu Edukasaun munisípiu Viqueque husu karteira eskolár unidade 3.000 tanba eskola barak maka menus mós fasilidade.

“Tama fulan-outubru sei haruka tan meza no kadeira mai hodi distribui ba eskola sira ne’ebé menus karteira eskolár,” nia akresenta.

MEJD distribui karteira eskolár ba eskola sira hanesan Eninu Báziku Filiál (EBF) Lia-Ruka simu unidade 60, Ensinu Báziku Sentrál (EBC, sigla portugés) Uatucarbau simu unidade 60, EBF Edmumu Uatulari simu unidade 60, EBF Ualake simu unidade 60, no EBF Debuisi Uatulari simu unidade 60.

Ensinu Sekundáriu Jerál (ESJ) Uatucarbau simu unidade 60, ESJ Dara-Loi Iraler postu Uatolari simu unidade 120, ESJ Uatolari simu unidade 60, Eskola Tékniku Agrikultura Kalo-Heda Uatulari simu unidade 60.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!