iklan

JUSTISA, HEADLINE

MP delega kompeténsia ba CAC investiga kazu korrupsaun 38

MP delega kompeténsia ba CAC investiga kazu korrupsaun 38

Illustrasaun TATOLI

DILI, 03 outobru 2022 (TATOLI)— Adjuntu Komisáriu Komisaun Anti Korupsaun (CAC, sigla Portugés), ba asuntu Investigasaun, Agosto Castro, infoma CAC simu delegasaun kompeténsia hosi Ministériu Públiku (MP) atu loke investigasaun ba kazu korrupsaun no partisipasaun ekonómia no negósiu hamutuk 38.

“Ami simu ona delagasaun kompeténsia hosi Ministeriu Públiku (MP), atu loke prosesu investigasaun ba kazu korrupsaun hamutuk 38,” hateten Adjuntu Komisáriu KAK ne’e Agência TATOLI via telefónika, segunda ne’e.

Adjuntu Komisáriu ne’e dehan antes ne’e, CAC mak remete kazu korrupsaun hamutuk 38 ba Ministériu Públiku atu haree, nune’e delega fali kompeténsia mai CAC atu kontinua loke investigasaun tanba iha indísiu ba krime.

“Kazu sira ne’e, ami maka rejista hahú husi janeiru to’o mai outubru tinan 2022, no agora Ministériu Públiku  delega fila fali mai ami, atu loke prosesu investigasaun ba kazu sira ne’e,” nia afima.

Agosto Castro afirma entre kazu 38 ne’e, barak liu maka kazu korrupsaun hanesan pekulatu, pekulatu de uzu, abuzu poder, krime ilísitu inklui kazu Ró Haksolok.

“Ha’u hanoin husi kazu 38 ne’e, iha balun mak kazu komplexu, balun la’ós kazu komplexu inklui iha balun kazu simples de’it,” katak.

Nune’e, nia dehan iha tempu badak nia-laran, CAC sei loke prosesu investigasaun ba kazu sira ne’e tanba kazu komplexu nia prazu investigasaun durante loron 90, enkuantu ba kazu simples ka la’ós komplexu ne’e ho prazu investigasaun iha de’it loron 30.

“Ha’u hanoin ami nia investigadór daudaun iha 24, ha’u hanoin ida ne’e sufisiente atu atende ka halo investigasaun ba kazu sira ne’e tanba ami simu ona delegasaun kompeténsia hosi CAC,” nia kompromete.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!