iklan

EKONOMIA, BOBONARO, HEADLINE, MUNISÍPIU

DTT Bobonaro laiha transporte operasionál

DTT Bobonaro laiha transporte operasionál

Diretór Transporte Terrestre (DTT) Munisípiu Bobonaro, João Paulo Henrique Baptista. Imajen Tatoli/Sérgio da Cruz.

BOBONARO, 04 outubru 2022 (TATOLI) — Diretór Transporte Terrestre (DTT) munisípiu Bobonaro, João Paulo Henrique Baptista, hateten durante ne’e funsionáriu sira uza transporte privadu halo serbisu iha terrenu, tanba diresaun laiha transporte opreasionál.

Diretór ne’e afirma, probelma ne’e enfrenta dezde 2017 to’o agora, tanba laiha transporte opersionál atu halo serbisu iha terrenu kontrola transporte públiku sira inklui halo manutensaun ba sinál tránzitu sira iha kapitál Maliana no postu administrativu sira.

Notísia relevante: DTT Bobonaro rekolla rihun $18-resin iha trimestre daruak

Nia haktuir, antes ne’e iha iha karreta operasionál ida mak fasilita funsionáriu sira halo atividade iha terrenu, maibé hafoin ida-ne’e karreta refere tama iha prosesu leilaun to’o agora Ministériu Transporte no Telekomunikasa seidauk troka foun.

Enkuantu iha fulan hirak ba kotuk ministériu konsege apoia motorizada tipu verza rua, maibé la sufisiente ba funsionariu sira halo atividade iha terrenu.

“Ami obrigatoriumente utiliza ami-nia transporte privadu hodi tún ba terrenu halo manutensaun ba sinál no adisionál sinál balu tuir nesesidade ne’ebé maka iha,” nia imnorma ba jornalista sira, iha Maliana, tersa ne’e.

João haktuir, probalema hirak ne’e nia parte elabora hotu ona no aprezenta beibeik ba ministériu tutela liuhosi relatóriu serbisu planu anuál nian, maibé to’o ohin loron seidauk hetan resposta.

Diretór ne’e akresenta, hahú hosi fulan-janeiru to’o setembru ne’e diresaun ne’e kontribui ona reseita hamutuk $70,906,05 maibé diresaun ne’e nafatin enfrenta problema tanba funsionáriu sira utiliza privadu mós la hetan distribuisaun kombustível.

“Dezaraska ami tenke hasai ami-nia osan, tanba papél diresaun ida-ne’e atu asegura ema-nia vida iha luron públiku, agora atu asegura ema-nia vida tenke kompleta ho sinál tránzitu, entaun sinál sira-ne’e kuandu ladi’ak ona, obrigatoriu ami tenke ba terrenu ne’e hanesan devér morál ida, atu kompleta kondisaun sira hodi asegura ba ema-nia vida,” nia dehan.

Tuir observasaun Agência Tatoli nota katak, ekipamentu mobiliáriu sira hanesan kadeira balu dodok ona, meza ne’ebé utiliza tau komputadór no dukumentu importrante sira kalsu ho ai-balu rohan-rohan de’it.

Problema seluk maka kuaze semana ida ona diresaun ne’e mós enfrenta hela problema kona-bá bee moos, nune’e difikulta tebes funsionáriu inklui komunidade sira bainhira nesesita.

Totál funsionáriu nje’ebé durante ne’e halo atendimentu servisu administrasaun no serbisu iha terrenu hamuutuk na’in-12, komposta hosi funsionáriu permanente na’in-hitu no kazuál na’in-lima.

Notísia relevante: DNTT hahú troka sinál tránzitu iha kapitál Maliana

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!