DILI, 04 outubru 2022 (TATOLI)—Diretór Jerál Turizmu hosi Ministériu Turizmu Komérsiu no Indústria (MTKI), Jelino Soares, hateten, empreza Suai Indah sai vensedór konkursu públiku hadi’a uma gazebo iha Areia Branca.
“Sira hahú serbisu ona iha semana kotuk no tuir alvu projetu reabiltasaun ne’e rasik sei finaliza iha fulan-dezembru,” Diretór Jerál informa ba Agência Tatoli, iha ninia knaar fatin, Farol, tersa ne’e.
Notísia relevante: MTKI loke ona konkursu hadi’a gazebo iha Areia Branca
Enkuantu, projetu ne’e ho kustu hamutuk $50.000, hodi hadi’a uma gazebo haat, hadi’a trotoár, lampu, tuur fatin, inklui haris-fatin públiku ida
Antes ne’e, uma gazebo iha Areia Branca ho kondisaun a’at tanba inundasaun ne’ebé akontese iha tinan kotuk.
Jornalista : Arminda Fonseca
Editora : Julia Chatarina
