VIQUEQUE, 05 outubru 2022 (TATOLI)–Diretora Sekretariadu Tékniku Programa Nasionál Dezenvolvimentu Suku (PNDS), Claudinha Soares Pinto, hateten, taxa ezekusaun orsamentu tinan 2022 ne’ebé aloka ba Programa Nasionál Dezenvolvimentu Suku (PNDS) hamutuk millaun $116, atinje ona 98%.
“Ami ezekuta hodi implementa programa PNDS iha tinan ne’e. Atinji taxa ezekusaun boot tanba ekipa nia esforsu iha terrenu, maski hasoru difikuldade hanesan mudansa klimátika hanesan udan, maibé ekipa iha vontade implementa programa sira ho di’ak,” Diretora hateten liuhosi ninia diskursu ba ekipa PNDS, iha salaun munisípiu Viqueque, kuarta ne’e.
Notísia relevante: 2022-PNDS hahú konstrui UKL 3.700 no falta 300
Nia dehan, bainhira kompara ho orsamentu alokadu iha ateriór, PNDS hetan millaun $12, tinan 2021 PNDS hetan millaun $38 maibé iha tinan 2022 hetan millaun $116.
“Hosi orsamentu millaun $116 aloka ba programa UKL regulár, UKL plus A no B, programa reabilitasaun sede suku, bee, edifísiu eskola, morru eskola, estrada rurál no postu saúde no programa sira seluk ne’ebé trasa,” nia esplika.
Jornalista : Vitorino Lopes da Costa
Editora : Julia Chatarina
