iklan

NASIONÁL, DILI, KAPITÁL

Juñu-jullu 2022 : AMD rekolla taxa publisidade $16,769.14

Juñu-jullu 2022 : AMD rekolla taxa publisidade $16,769.14

Ilustrasaun

DILI, 05 outubru 2022 (TATOLI)-Koordenadór Servisu Lisensiamentu Publisitáriu Munisípiu Dili, (S. L. P. MD), Julio F. L do Rosário, informa, iha fulan juñu to’o jullu 2022 ne’e Servisu Lisensiamentu Publisitáriu Munisípiu Dili rekolla taxa publisidade hamutuk $16,769.14.

Notísia relevante :Abríl-maiu 2022: AMD rekolla taxa publisidade $11,209.04

“Totál taxa publisitáriu ne’ebé Servisu Lisensiamentu Publisitáriu Munisípiu Dili rekolla iha 2022, hahú hosi fulan juñu $9,491.05 no jullu $7,278.09. Entaun, totál hosi fulan juñu ho jullu hamutuk $16,769.14,” Julio F. L do Rosário, hateten ba Ajénsia Tatoli iha nia knaar fatin, Díli, kuarta ne’e.

Nia esplika, ba fulan agostu no setembru agora dadaun Servisu Lisensiamentu Publisitáriu Munisípiu Dili hein imprime (print out) hosi Banku, tanba ne’e seidauk iha.

Entaun, iha taxa atividade publisidade fulan juñu no jullu ne’e Servisu Lisensiamentu Publisitáriu Munisípiu Dili, rekolla iha área avenida Nicolau Lobatu, Martires da Pátria no avenida Hudi Laran.

Maske nune’e, nia akresenta, difikuldade ne’ebé Servisu Lisensiamentu Publisitáriu Munisípiu Dili durante ne’e hasoru mak, planu ne’ebé Servisu Lisensiamentu Publisitáriu Munisípiu Dili estabelese atu halo atividade destroisaun, maibé labele la’o tanba item orsamentu ne’ebé atu apoia ba atividade ne’e laiha.

“Tanba ne’e, to’o agora ami seidauk halo ami-nia destroisaun ba kompañia sira ne’ebé durante la kumpri no la obdese ami tau ona iha ajenda atu halo destroisaun, maibé tanba item orsamentu laiha, entaun ami labele halo,” nia dehan.

Ho difikuldade ne’e, Servisu Lisensiamentu Publisitáriu Munisípiu Dili dadaun nafatin tenta ba superiór sira, oinsá haree ba asuntu ne’e.

“Entaun, liuhosi informasaun ne’e, ami-nia superiór sira mós tau importánsia ba Servisu Lisensiamentu Publisitáriu Munisípiu Dili. Tanba ne’e kapitál Dili no ema hotu buka moris iha ne’e, maibé kuandu ita la tau importánsia ba Servisu Lisensiamentu Publisitáriu difisil atu ita bele hatama reseita ne’ebé boot ba kofre Estadu, hodi hala’o dezenvolvimentu,” nia esplika.

Jornalista : Nelia Fernandes
Editór : Rafy Belo

iklan
iklan

Leave a Reply

iklan
error: Content is protected !!