iklan

NASIONÁL, KAPITÁL

Semáforu avariadu iha Colmera, MTK: “Trata hela prosesu”

Semáforu avariadu iha Colmera, MTK: “Trata hela prosesu”

Diretór Jerál MTK, Gaspar de Araújo. Imajen TATOLI/Francisco Sony.

DILI, 05 outubru 2022 (TATOLI)-Diretór Jerál, Ministériu Transporte no Telekomunikasaun (MTK), Gaspar Araújo, informa semáforu ne’ebé daudaun ne’e avaria iha Colmera sei iha faze trata prosesu ba manutensaun iha Ministériu Transporte no Telekomunikasaun (MTK).

Notisia relevante :DNTT sei orienta tékniku observa semáforu ne’ebé avaria iha Colmera

“Semáforu ne’ebé daudaun avaria iha Colmera, agora daudaun ita trata hela prosesu ba manutensaun no seidauk ramata, kuandu kontrata ba manutensaun iha ona, ema (Empreza) sira bele servisu ona,” Gaspar Araújo, hateten ba Ajénsia Tatoli via telefónika, iha kuarta ne’e.

Tuir nia, semáforu iha área Colmera ne’ebé durante mate no lakan ne’e presiza empreza ruma hodi halo konfigurasaun.

“Tanba, iha fallansu ne’ebé kiikoan ba semáforu ne’e mak sira (Ekipa tékniku DNTT) hodi halo manutensaun maibé iha fallansu seluk. Entaun, presiza empreza bele troka materiál ruma no seluk,” nia katak.

Entretantu, tuir observasaun jornalista Ajénsia Tatoli iha terrenu nota katak, semáforu ne’ebé avaria iha Colmera durante ne’e mate no lakan, maibé iha kuarta ne’e sei kontinua avaria nafatin.

Jornalista : Nelia Fernandes
Editór         : Rafy Belo

 

iklan
iklan

Leave a Reply

iklan
error: Content is protected !!