iklan

DILI, POLÍTIKA

Horta ho Taur preokupa timoroan terus iha Portugál

Horta ho Taur preokupa timoroan terus iha Portugál

Situasaun iha Aeroportu Internasionál Nicolau Loubato kuarta (18/06). Imajen Tatoli/Francisco Sony

DILI, 06 outubru 2022 (TATOLI)-Prezidente Repúblika (PR), José Ramos Horta ho Primeiru Ministru (PM), Taur Matan Ruak, preokupa ho timoroan ne’ebé terus iha Portugál.

Notísia relevante: Membru PN husu Governu kontrola ajénsia haruka traballadór timoroan ba rai-li’ur

“Triste no preokupa loos ita-nia joven sira iha ne’e bá Portugál hetan situasaun difísil. Situasaun ida ne’e mak ami ko’alia uituan iha enkontru ohin”, Xefe Governu ba jornalista sira hafoin hasoru Xefe Estadu iha Palásiu Prezidensiál, Bairru Pite, kinta ne’e.

Nia hatutan, durante diskusaun ho Xefe Estadu, ko’alia oinsá asaun Governu hodi buka solusaun ba situasaun refere. “Ita dadaun ne’e akompaña hela, no primeiru ita hakarak identifika sé mak husik sira bá no bá iha kontratu ruma ka la’o maran de’it, no terseiru saida mak ita bele ajuda”.

Inisiativa joven sira ne’ebé bá, Taur husu atu pasiensia uitoan tanba ho nasaun sira ne’ebé Estadu laiha akordu, komplikadu liu no mezmu nasaun sira ita estabelese ona akordu presiza tuir  prosesu. “Daudaun akordu ho Austrália no Korea do Súl, restu tenta hetan akordu hodi asegura direitu sidadaun”.

Notísia relevante: Timor-Leste no Portugal sei ofisializa akordu bilaterál fasilita timor-oan ba serbisu

Jornalista       : Nelson de Sousa

Editora           : Rita Almeida

iklan
iklan

Leave a Reply

iklan
error: Content is protected !!