iklan

NASIONÁL, KAPITÁL

Produsaun xápa matrikula orijinál, MTK hein empreza submete ekipamentu

Produsaun xápa matrikula orijinál, MTK hein empreza submete ekipamentu

Diretór Jerál MTK, Gaspar de Araújo. Imajen TATOLI/Francisco Sony

DILI, 07 outubru 2022 (TATOLI)-Diretór Jerál, Ministériu Transporte no Telekomunikasaun (MTK), Gaspar Araújo, informa produsaun xapá matrikula orijinál empreza asina ona kontratu no dadaun Ministériu Transporte noTelekomunikasaun hein kompañia submete ekipamentu.

“Xápa matrikula, STNK blanku no karta kondusaun, daudaun ne’e ita iha hela prosesu aprovovizionamentu, kontratu parese asina ona, ne’ebé hein sira (empreza) hatama sasan mai,” Gaspar Araújo, hateten ba Ajénsia Tatoli via telefónika, kinta ne’e.

Tuir nia, prosesu konkursu ba Xápa matrikula, STNK blanku no karta kondusaun nia prosesu la’o kle’ur, tanba nia regra iha rasik kona-ba oinsá prepara dokumentu, anúnsia no kompañia konkorre.

“Nia minimi liu, kuandu ita komesa nia prosesu ita presiza fulan tolu atu konklui, fulan tolu ne’e seidauk konta mós prosesu ida ne’ebé dala ruma membru sira laiha fatin no juri sira sei demora, maibé normalmente prosesu konkursu fulan tolu (3),” nia esplika.

Ho prosesu ne’e, nia husu ba populasaun sira ne’ebé durante hein xapá matrikula orijinál, STNK Blanku no karta kondusaun atu hein, tanba Governu mós preukupa ba prosesu ne’e.

“Maibé, ita-nia prosesu mak nune’e no ami rekuñese, tanba ne’e hein katak iha fulan novembru ne’e sasán sira iha ona hodi distribui,” nia dehan.

Notísia relevante:Produsaun xápa matrikula orijinál sei iha prosesu konkursu

Jornalista : Nelia Fernandes
Editór         : Rafy Belo

iklan
iklan

Leave a Reply

iklan
error: Content is protected !!