iklan

INKLUZAUN SOSIÁL, POLÍTIKA

SEII prevee millaun 2-resin iha proposta OJE 2023

SEII prevee millaun 2-resin iha proposta OJE 2023

Inan feton ida prepara hela nia asesoria ne’ebé sira produs iha espozisaun iha área Tasi tolu hodi komemora aniversáriu Konsulta Populár(referendum) 30 agostu 1999 ba dala 22, tersa (12/08/2022) Imajen Tatoli/António Daciparu

DILI, 10 outubru 2022 (TATOLI)-Sekretaria Estadu Igualidade no Inkluzaun (SEII) iha proposta Orsamentu Jerál Estadu (OJE) 2023 prevee $2,152,264.

Sekretária Estadu ba Igualdade no Inkluzaun (SEII), Maria do Rosário Fátima Correia. Imajen Tatoli/Francisco Sony.

“Planu orsamentu ba tinan 2023  iha $2,152,264 ne’ebé  fahe ba programa rua, sub-progama ualu no atividade 13″, dehan Sekretária Estadu SEII, Maria do Rosario Fatima Coreia, ba jornalista sira hafoin audénsia públika ba proposta OJE 2023 ho  komisaun F ne’ebé trata asuntu Saúde, Seguransa Sosiál no Igualidade Jeneru iha Parlamentu Nasionál, segunda ne’e.

Nia mós relata progresu ezekusaun OJE 2022 ba SEII daudaun  atinje 65%  no mós programa implementasaun  boa-governasaun no igualdade jeneru. “Ami nia espetativa  ezekuta  85% to’o iha dezembru”.

Tuir  livru anexu XI planu anuál  ba serbisu no entidade setór públiku administrativu, ba 2023  SEII iha programa boa-governasaun no jestaun instituisional ho sub-programa boa-governasaun ho atividade ida, sub-programa jestaun instituisional ho atividade ida.

Programa igualidade jeneru no inkluzaun sosiál ho sub-programa integrasaun kompromisu jeneru no inkluzaun sosiál iha programa lei orsamentu estadu no komunidade jerál ho atividade promove konsensializasaun kona-ba igualidade jeneru no inkluzaun sosiál, estratéjia advokásia kona-ba igualidade jeneru no inkluzaun sosiál, asisténsia instituisaun no ajénsia estadu, apoiu pontu fokál SEII iha munisípiu 12.

Sub-programa emporamentu ekonómiku ba feto no komponente sira seluk ho vuneravel ho atividade apoiu no fó asisténsia grupu feto, portadór defisiénsia, komunidade LGBTI iha dezenvolvimentu sira nia abilidade  ekonómia.

Sub-programa planeamentu monitorizasaun no avaliasaun ho atividade peskiza igualidade jeneru no inkluzasaun sosiál.

Sub-programa hakotu violénsia hasoru feto no labarik feto ho komponente vuneravel sira seluk ho atividade advokásia ba asegura, atividade konsensializasaun prevensaun violénsia bazea jeneru.

Sub-programa partisipasaun feto iha polítika no foti desizaun ho atividade mak kapasitasaun.

Notísia relevante: SEII-GTJ identifika oportunidade-dezáfiu iha implementasaun programa promove igualdade jéneru

Jornalista   : Nelson de Sousa

Editora        : Rita Almeida

iklan
iklan

Leave a Reply

iklan
error: Content is protected !!