iklan

EKONOMIA, HEADLINE

Abitante 2.820 iha suku Madohi simu ona produtu Cesta Bázika

Abitante 2.820 iha suku Madohi simu ona produtu Cesta Bázika

Produtu Cesta Bázika ne’ebé fahe iha suku Madohi. Imajen/MTKI

DILI, 11 outubru 2022 (TATOLI)—Ministériu Turizmu Komérsiu no Indústria (MTKI), segunda ne’e, fahe ona produtu Cesta Bázika ba abitante 2.820 hosi kabazes 7.090 iha aldeia haat hosi suku Madohi, postu administrativu Don Aleixo, munisípiu Dili.

Benefisiáriu programa Cesta Bázika, Francisca Mónica, hosi aldeia Anin Fuik, suku Madohi, sente kontente tanba produtu ne’ebé empreza fahe ba sira ho kualidade di’ak.

Nune’e mós, benefisiáriu, Fernando do Rego, hosi aldeia Anin Fuik, hateten, produtu ne’ebé fahe maioria produtu lokál.

“Ida-ne’e bele motiva agrikultór sira atu prodús barak liután ai-han lokál sira,” refere nota ne’ebé Agência Tatoli asesu, tersa ne’e.

Notísia relevante: Benefisiáriu 8.313 suku Leorema simu produtu Cesta Bázika

Governu kontrata empreza Dili Mart hodi fahe produtu Cesta Bázika item 21 ne’ebé maioria produtu lokál ho kustu $354.500, iha aldeia haat hanesan 7 dezembru, Anin-Fuik, Beto-Leste, no Beto-Tasi, suku Madohi.

Produtu lokál ne’ebé sira sosa hosi agrikultór lokál sira mak hanesan pateka sosa hosi negosiante Suai, modo hosi Hera, ikan fresku hosi peskadores Ataúro, na’an karau sosa hosi empreza Leokase no seluk tan.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!