iklan

EKONOMIA, HEADLINE

Benefisiáriu 8.313 suku Leorema simu produtu Cesta Bázika

Benefisiáriu 8.313 suku Leorema simu produtu Cesta Bázika

Komunidade hosi suku Leorema siu produtu Cesta Bázika. Imajen/MTKI

DILI, 06 outubru 2022 (TATOLI)—Ministériu Turizmu Komérsiu no Indústria (MTKI), kinta ne’e, fahe ona produtu Cesta Bázika faze daruak ba benefisiáriu hamutuk 8.313 iha suku Leorema, postu administrativu Bazartete, munisípiu Liquiçá.

Governu kontrata empreza nasionál Leoviba Nalo Unipessoal hodi distribui produtu Cesta Bázika ho kustu $416.300.

“Distribuisaun produtu Cesta Bázika iha suku Leorema tuir kontratu hahú hosi loron 21 setembru to’o loron 07 outubru,” refere nota ne’ebé Agência Tatoli asesu, kinta ne’e.

Notísia relevante: MTKI konklui distribuisaun produtu Cesta Bázika iha suku Lahomea Bobonaro

Suku Leorema kompostu hosi aldeia 10 anesan aldeia Baura ho benefisiáriu 1.127, aldeia Bucumera 489, aldeia Ergoa 1.181, aldeia Fatunero 968, aldeia Hatu Hou 529, aldeia Kutulau 479, aldeia Manulete 545, aldeia Railuli 1.748, aldeia Urema 661, no aldeia Urluli 586.

Atividade distribuisaun ne’e partisipa másimu hosi komunidade no kolaborasaun di’ak tebes hosi autoridade lokál, polísia komunitáriu, hamutuk ho ekipa traballu ministeriál.

Aleinde ne’e, prosesu distribuisaun hetan monitorizasaun no kontrolu hosi Komisaun Antí-Korrupsaun (CAC, sigla portugés) no Provedoria Direitu Umanu no Justisa (PDHJ, sigla portugés).

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!