NASIONÁL, HEADLINE, KAPITÁL

MNEK rejista timor-oan 5.000 tama Portugal tinan ne’e

MNEK rejista timor-oan 5.000 tama Portugal tinan ne’e

Edifisíu MNEK. Imajen/Espesiál

DILI, 11 outubru 2022 (TATOLI)–Diretór Jerál Ministériu Negósiu Estranjeiru no Kooperasaun (MNEK), José António Amorim Dias, hateten, Diresaun Protokolu Asuntu Konsultór rejista timor-oan ne’ebé tama ona Portugal hamutuk 5.000 iha tinan ne’e.

“Daudaun ne’e, maizumenus ita-nia sidadaun hamutuk 5.000 to’o ona iha Portugal. Aleinde ne’e, maizumenus iha ema na’in-20 koko atu tama territóriu Britániku (Inggris) maibé Autoridade Imigrasaun Londres deporta fali sira bá Lisboa,” Diretór Jerál MNEK, José António Amorin Dias, informa ba Agência Tatoli, iha ninia knaar fatin, Praia dos Coqueiros, tersa ne’e.

Tuir Diretór, liuhosi liuhosi koordenasaun entre Embaixada Timor-Leste iha Portugal no Autoridade iha Lisboa rezolve ona situasaun timor-oan.

“Embaixada Timor-Leste iha Portugal hamutuk ho Prezidente Kámara Lisboa iha semana ne’e to’o nia rohan sei halo observasaun direita ba timor-oan ne’ebé hela iha dalan ninin no jardin hodi muda sai ba fatin seguru ne’ebé prepara ona hosi Governu Portugal no empreza balun. Daudaun ne’e, laiha ona timor-oan ne’ebé toba iha dalan públiku tanba hosi serbisu koordenasaun entre Timor no Portugal inklui parte igreja,” nia akresenta.

Notísia relevante: Horta ho Taur preokupa timoroan terus iha Portugál

Nia dehan, antes ne’e iha duni sidadaun balun hela iha jardin iha Portugal, maibé problema ne’e akontese tanba entre traballadór no empregadór, nune’e sira halai hosi fatin ne’ebé oferese hosi Governu Portugal hodi hili hela iha uma aluga ka jardin Bento Martis, iha Lisboa.

“Diresaun Jerál Konsultór MNEK kada loron sempre halo komunikasaun ho reprezentante Timor-Leste iha Portugal hodi hetan informasaun kona-ba timor-oan iha Portugal hodi hatene kondisaun, nune’e Embaixada Timor-Leste iha Portugal mós hasoru ona ho organizasaun Ekleziástika hanesan Santa Casa Misericórdia hodi fó apoiu umanitáriu,” nia tenik.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!