iklan

DILI, POLÍTIKA

PN aprova pedidu PR Horta vizita Kamboja-Suisa-Portugál

PN aprova pedidu PR Horta vizita Kamboja-Suisa-Portugál

Imajen/Media PR.

DILI, 11 outubru 2022 (TATOLI)—Parlamentu Nasionál (PN), tersa ne’e, liuhosi reuniaun plenária extraordinária autoriza Prezidente Repúblika (PR), José Ramos Horta, atu ba vizita Kamboja, Suisa no Portugál.

Notísia Relevante: PN aprova pedidu PR Horta vizita Austrália no EUA

Pedidu Xefe Estadu nian iha rua hanesan projetu rezolusaun 106/V (4a) refere dezlokasaun PR ba Reinu Kambodia no projetu rezolusaun númeru 107/V (4a) dezlokasaun ba Konfederasaun Suisa ho Repúblika Portugál.

PN halo votasaun aprova kada pedidu ba projeitu rezolusaun dahuluk ho rezultadu votu a-favór- 47, kontra no abstensaun 0. Enkuantu projeitu rezolusaun daruak a favór- 48, kontra no abstensaun 0.

“Nune’e Parlamentu Nasionál fó ona konsentimentu ba viajen Prezidente Repúblika ninian ba Reinu Kamboja, Zenebra-Suisa ho Portugál,” Prezidente PN, Aniceto Longuinhos Guterres Lopes, hateten sai iha sala plenária.

Tuir termu efeitu númeru 1 artigu 80, no alínea ‘h’ númeru 3 artigu 95 Konstituisaun Repúblika Demokrátika Timor-Leste (KRDTL) meiu ne’e PR solisita ba PN hodi fó konsentimentu dezlokasaun Xefe Estadu nia vizita Estadu.

Tuir planu, vizita Estadu ba Reinu Kamboja iha loron 16-23 outubru 2022, ba Zenebra-Suisa vizita serbisu iha 28-29 outubru 2022 no vizita Estadu ba Portugál ne’e hetan konvite hosi Prezidente Repúblika Portugál, Marcelo Rebelo de Sousa, ne’ebé sei hala’o iha 30 outubru no 01 novembru tinan ne’e. Iha Lisboa, PR Horta sei partisipa mós Web-Sumit 2022 iha 04 novembru ne’ebé konvida hosi organizasaun.

Antes ne’e, PN autoriza PR nia vizita Estadu ba Indonézia, Austrália no partisipa sesaun ba dala-77 asembleia jerál Organizasaun Nasaun Unida (ONU) iha Nova Iorke-Estadu Unidu Amérika (EUA).

Notísia Relevante: PR Horta vizita Austrália sei ko’alia prosesu dezenvolvimentu Greater Sunrise

Jornalista : Nelson de Sousa

Editór        : Cancio Ximenes

iklan
iklan

Leave a Reply

iklan
error: Content is protected !!