DILI, 12 outubru 2022 (TATOLI)—Governu liuhosi reuniaun Konsellu Ministru (KM), kuarta ne’e, delibera hodi autoriza Ministru Transporte no Komunikasaun, José Agustinho da Silva, hodi asina akordu servisu aéreu ho nasaun Kambódia no Portugál.
“Konsellu Ministru delibera ona hodi autoriza Ministru Transporte no Komunikasaun ba negosiasaun no asinatura akordu rua servisu Aéreu entre Repúblika Demokrátika Timor-Leste no Reinu Kambódia no Portugál,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.
Notísia relevante: Akordu Aéreu ho Austrália, Ministra Adaljiza: “ Timor-Leste Nakloke-an ba Empreza Aéreu”
Objetivu akordu ne’e mak atu estabelese no kompleta malu ba konvensaun Aviasaun Sivil Internasionál hodi estabelese no halo operasaun servisu aéreu ho nasaun seluk.
Antes ne’e, Timor-Leste estabele ona akordu aéreu ho nasaun sira hanesan Austrália, Nova Zelándia, Unidu Árabe Unidu, Brunei Darussalam no seluk tan.
Jornalista : Antónia Gusmão
Editora : Julia Chatarina
