DILI, 28 outubru 2022 (TATOLI)—Sekretáriu Estadu Ambiente (SEA) prevee $3.578.236 ba programa rua iha Jerál Estadu (OJE) 2023.
“Programa rua mak hanesan boa governasaun jestaun instituisionál ho orsamentu $1.569.880 no programa protesaun no konservasaun ambiente ho orsamentu $2.008.356,” Sekretáriu Estadu Ambiente, Demétrio do Amaral de Carvalho, informa ba Agência Tatoli iha ninia knaar fatin, Bebora.
Boa governasaun jestaun instituisionál iha nia sub-programa sira mak hanesan boa governasaun ho $520.150, jestaun institusionál $1.049.730, no edukasaun ambientál $194.800.
Notísia relevante: SEA bolu atensaun negosiante hapara atividade fa’an plástiku kresek
Enkuantu, programa protesaun no konservasaun ambiente iha sub-programa mak edukasaun ambientál ho $194.800 no konservasaun biodiversidade $800.000, alterasaun klimátika $220.000, mobilizasaun rekursu investimentu ba merkadu karbonu $295.056, fortalesimentu transversalidade ambientál no setór sira seluk $238.000, sub-programa kontrolu polusaun $260.500, inklui atividade sira hotu.
Jornalista : Arminda Fonseca
Editora : Julia Chatarina
