COVALIMA, 20 outubru 2022 (TATOLI)–Autoridade Covalima seidauk simu informasaun hosi Sekretáriu Estadu Kooperativa (SECoop, sigla portugés) atu kontinua distribui cesta bázika faze daruak ba komunidade iha Covalima.
Notísia Relevante: Governu lansa distribuisaun Cesta Bázika faze daruak ba benefisiáriu 15,161 iha Zulo
“Provozóriu lansamentu sesta bázika ita hahú iha postu administrativu Zumalai, maibé atu kontinua ba postu administrativu sira seluk ne’e, provizóriu ita sei hein hela orientasaun hosi nasionál. Ita prepara dadus ona no to’o agora ita seidauk iha kontinuasaun,” Reprezentante Administradór Munisípiu Covalima, Francisco de Jesus Alves, informa ba Agência Tatoli, iha resintu AMC, Sukaer Laran, kinta ne’e.
Hafoin distribui cesta bázika halo lansamentu iha postu Administrativu Zumalai, to’o ohin loron autoridade Covalima seidauk iha informasaun bainhira mak atu kontinua distribui cesta bázika ba benefisiáriu sira iua postu administrativa sira iha Covalima.
Tanba implementasaun programa cesta bázika ne’e responsabiliza hosi Sekretáriu Estadu Kooperativa (SECoop), tuir loloos halo ona koordenasaun antes bainhira atu distribui sesta bázika faze daruak ba komunidade.
“Koordenasuan antes ne’e partisipa hosi ita-nia administradór Munisípiu Covalima hamutuk ho ekipa SECoop nian no kompañia fornesedór iha postu Zumalai, suku Zulo munisípiu Covalima,” nia dehan.
Antes ne’e, iha loron 05 fulan-agastu tinan 2022, Governu liuhosi Sekretáriu Estadu Kooperativa (SECoop) hamutuk ho autridadade Covalima halo ona lansamentu distribuisaun cesta bázika faze daruak ba benefisiáriu 15,161 iha suku Zulo, postu administrativu Zumalai, munisípiu Covalima.
Jornalista : Celestina Teles
Editór : Cancio Ximenes
