Estabelesimentu sentru kultura iha faze estudu viabilidade
DILI, 21 outubru 2022 (TATOLI)—Sekretáriu Estadu,Arte no Kultura (SEAK), Teofilo Caldas, informa prosesu estabelesimentu sentru kulturál iha munisípiu Dili ne’ebé sei halo iha área Aitarak Laran, daudaun ne’e iha faze estudu viabilidade.
Notísia Relevante: SEAK Planea Sei Harii Sentru Kultural iha Área Aitarak-Laran
“Ami iha difikuldade kona-ba sentru kultura. Difikuldade ida mak ita la hetan espasu maibé ho grasa Maromak nian foin lalais Ministériu Justisa liuhosi Ministru foun ne’e fó ona despaixu atribuisaun rai ne’ebé mak atu harii muzeu nasionál ho sentru kulturál iha munisípiu Dili. Entaun ami prevee osan atu halo estudu viabilidade ba sentru kluturál ida iha Baucau. Ida-ne’e mós ita hetan ona, ne’ebé difikuldade mak espasu ka rai no ami-nia atinjimentu mak oras ne’e iha ona faze estudu viabilidade,” Teofilo Caldas hateten ba Agência Tatoli, iha nia kna’ar fatin, Avenida Portugál (anterior Praia dos Coqueiros), Díli, sesta ne’e.
Ho estabelesimentu sentru kultura ne’e, nia espera iha 2024 bele halo ona sentru kultura ne’e no iha Baucau mós hanesan, tanba iha hotu faze estudu viabilidade.
Notísia Relevante: SEAK sei halo levantamentu dadus konstrui sentru kulturál iha Baucau
Jornalista : Nelia Fernandes
Editór : Cancio Ximenes
