iklan

EKONOMIA, HEADLINE

MTKI relata alokasaun fundu millaun $50 programa kadeia valór ba PM

MTKI relata alokasaun fundu millaun $50 programa kadeia valór ba PM

Ministru Turizmu Komérsiu no Indústria, José Lucas do Carmo da Silva. Imajen Tatoli/Egas Cristóvão

DILI, 24 outubru 2022 (TATOLI)—Ministru Turizmu Komérsiu no Indústria (MTKI), José Lucas do Carmo da Silva, segunda ne’e, hasoru malu ho Primeiru-Ministru (PM), Taur Matan Ruak, hodi relata servisu kona-ba alokasaun fundu millaun $50 ba programa kadeia valór.

“Fundu ne’ebé Governu aloka sei tranfere ba Banku Nasionál Komérsiu Timor-Leste (BNCTL, sigla portugés) hodi fó prioridade ba setór produtivu. Ministériu Turizmu Komérsiu no Indústria nu’udar implementadór hosi orsamentu millaun $50 ba programa kadeia valór. Ita fó prioridade ba setór produtivu, setór otelaria no seluk tan. Ohin ita relata nia progresu ba Primeiru-Ministru,” Ministru José do Carmo, hateten hafoin hasoru malu ho PM iha Palásiu Governu, segunda ne’e.

Notísia relevante: Governu introdús kadeia valór kafé ba promosaun no insentiva produsaun nasionál

Liña ministeriál ne’ebé sei halo ezekusaun ba orsamentu ba programa nasionál ne’e mak hanesan MTKI, Ministériu Agrikultura no Peska (MAP) Ministériu Koordenadór Asuntu Ekonómiku (MKAE) Ministériu Finansa (MF) inklui Gabinete Primeiru-Ministru (GPM).

“Faze ida-ne’e agora iha ona prosesu finál no sei haruka dokumentu ka kontratu ne’e ba Tribunál Konta atu hetan vistu prévia molok halo transferénsia milliaun $50,” nia akresenta.

Programa kadeia valór ne’e hanesan kontinuasaun ba programa kréditu suave ne’ebé MTKI implementa ho nia taxa juru 3%.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!