Implementasaun UKL faze daruak iha Covalima sei iha prosesu aprovizionamentu
COVALIMA, 26 outubru 2022 (TATOLI)—Diretór Programa Nasionál Dezenvolvimentu Suku (PNDS) Covalima, Filipe Cardoso, hateten implementasaun UKL faze daruak iha Covalima agora daudaun sei iha hela prosesu aprovizionamentu.
Notísia Relevante: PNDS Covalima finaliza ona UKL 59 no unidade tolu seidauk konstrui
“Implementa UKL faze daruak tinan fiskal 2022 iha munisípiu Covalima ne’e UKL hamutuk unidade 278 no hosi númeru ne’e UKL unidade 233 sei iha prosesu aprovizionamentu no kuotasaun tama iha implementasaun la’o ona,” Filipe Cardoso hateten ba Agência Tatoli, iha Covalima, kuarta ne’e.
UKL unidade 278 hosi númeru ne’e UKL unidade 233 sei iha prosesu aprovizionamentu no atu hala’o ona implementasaun falta de’it UKL unidade 23 iha hela faze preparasaun.
Tanba ne’e, UKL unidade 278 faze daruak tinan fiskál 2022 ne’e, PNDS sei kontinua konstrui iha suku 30 no iha aldeia 86 ba familia vulneravél iha munisípiu Covalima.
Orsamentu konstrusaun Uma Kbiit Laek (UKL) unidade 278 ne’e utiliza Orsamentu Jerál Estadu (OJE) tinan fiskál 2022 ne’ebé hamutuk $4,735,452.00.
Programa Uma Kbiit Laek (UKL) konsidera nu’udar programa ida-ne’ebé ninia orientasaun atu kria kondisaun komunidade kbiit laek sira iha nivél aldeia.
Tinan fiskál 2022, programa ne’e hetan alokasaun orsamentu hamutuk tokon $12,8 hosi totál ne’e aloka ba atividade fiziku hamutuk tokon $12,3 no ba atividade operasionál ba suku 241.
Jornalista : Celestina Teles
Editór : Cancio Ximenes
