iklan

DILI, HEADLINE, POLÍTIKA

Portugál atribui medalla Ordem de Camões ba PR Horta

Portugál atribui medalla Ordem de Camões ba PR Horta

Prezidente Repúblika Portugál, Marcelo Rebelo de Sousa, atribui medalla kondekorasaun Ordem de Camões ba Prezidente Republika, José Ramos Horta. Imajen/Mídia PR.

DILI, 03 novembru 2022 (TATOLI)—Prezidente Repúblika Portugál, Marcelo Rebelo de Sousa, atribui medalla kondekorasaun Ordem de Camões ba Prezidente Republika, José Ramos Horta.

Ordem de Camões nu’udar Ordem Honorífica Portuguesa ida-ne’ebé rekuiñesimentu nivel aas ba pesoál sira-ne’ebé ajuda habelar lingua Portugeza iha mundu.

Prezidente Repúblika, José Ramos Horta, konsidera kondekorasaun ne’e nu’udar rekuiñesimentu importante ida, ne’ebé la’òs atribui de’it ba nia maibé Governu Portugés oferese mós ba líder nasionál sira hanesan, Kay Rala Xanana Gusmã0, Taur Matan Ruak, Mari Alkatiri no Fransisco Guterres Lú-Olo hodi hametin lasu amizade entre Timor-Leste no Portugál.

“Too agora ne’e ha’u hetan kondekorasaun boot tolu ne’ebé Governu Portugés fó ba ha’u. Primeiru kondekorasaun, Ordem De Liberdade Portugál (1998), Ordem Dom Infante Portugál (2011) no terseiru mak Ordem de Camões nu’udar Ordem Honorífica Portuguesa hanesan orden ida ne’ebé aas liu, tanba ita-nia relasaun di’ak loos entre Timor no Portugál,” Prezidente Repúblika hato’o liuhosi komunikadu imprensa ne’ebé Agéncia Tatoli asesu, kinta ne’e.

Ramos Horta hateten, Medalha Ordem de Camões hanesan orden ida aas liu ne’ebé Xefe Estadu Portugés atribui de’it ba nivel Xefe Estadu sira bainhira hala’o vizita Estadu hodi hametin kooperasaun bilateral.

Durante ne’e, Xefe Estadu Ramos Horta hetan ona rekoñesimentu prémiu mundiál hanesan, Premiu Novel da Paz (1996), Ordem de Austrália (2015), Ordem de Timor-Leste (2012), Ordem Dom Boaventura (2006), Ordem de Brazil, Cuba, Guinea-Bissau no Cavo Verde.

Notísia Relevante: TL-Portugál sei solusiona imigrante timoroan sira-nia problema ho dalan legál

Jornalista : Nelson de Sousa

Editór     : Cancio Ximenes

iklan
iklan

Leave a Reply

iklan
error: Content is protected !!