iklan

EKONOMIA, HEADLINE

EDTL,E.P introdús sistema jestaun finanseiru ba funsionamentu servisu korporativu

EDTL,E.P introdús sistema jestaun finanseiru ba funsionamentu servisu korporativu

Prezidente Konsellu Administrasaun EDTL, E.P, Paulo da Silva. Imajen Tatoli/Egas Cristóvão

DILI, 04 novembru 2022 (TATOLI)—Eletricidade de Timor-Leste, Empreza Públika (EDTL, E.P) introdús utilizasaun sistema jestaun finanseiru (FMS, sigla inglés) hodi jere funsionamentu servisu korporativu.

Prezidente Konsellu Administrasaun EDTL, E.P, Paulo da Silva, hateten, tinan kotuk loke ona konkursu públiku atu halo FMS no ikus mai empreza telekomunikasaun Telemor mak sai manán-na’in hodi halo sistema ne’e ho kustu projetu $500.000.

“FMS kontribui tebes ba transparánsia servisu administrasaun no seluk tan iha EDTL, E.P. Sistema ne’e integradu, ne’ebé ita utiliza hodi jere funsionamentu servisu korporativu hanesan liga ho finansa, pedidu halo prosesu aprovizionamentu ba pagamentu, no jestaun patrimóniu ka aset iha armazen EDTL, E.P inklui rekursu umanu,” Paulo da Silva, relata iha salaun EDTL, E.P Caicoli, sesta ne’e.

Notísia relevante: EDTL, E.P no MOP kontinua prepara projetu enerjia renovável

Benefísiu hosi FMS ne’e atu kontribui ba taransparánsia utilizasaun rekursu públiku, tanba bainhira laiha sistema elektróniku no iha de’it sistema manuál mak difikulta tebes EDTL, E.P tanba atu kontrolu dokumentu no ema superviziona no monitoriza ezekusaun orsamentu,” nia akresenta.

Enkuantu, bainhira uza sistema manuál mak sei difikulta tanba liuhosi prosesu lubuk ida.

Iha fatin hanesan, Diretór Jerál Telemor, Tran Van Bang, komprometidu halo kolaborasaun di’ak ho EDTL, E.P iha servisu manutensaun sira.

“Ami sei akompaña EDTL, E.P hodi asegura servisu hotu liga ho sistema jestaun finansa,” nia dehan.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!