iklan

NASIONÁL, POLÍTIKA

Preparasaun ba serimónia Masakre Santa Crúz atinje ona 95%

Preparasaun ba serimónia Masakre Santa Crúz atinje ona 95%

Presidente Komisaun Organizadora dezlutu ba Saudozu Max Stahl, Rogerio Castro da Cruz. Imajen Tatoli /Egas Cristovão

DILI, 07 novembru 2022 (TATOLI)—Prezidente Komisaun Organizadora, Rogério Castro da Crúz, informa preparasaun ba serimónia komemorasaun Masakre Santa Crúz, 12 novembru, ba dala-31 no Loron Nasionál Juventude ne’e daudaun ne’e atinje ona 95%.

Notísia Rerlevante: Konstrusaun Monumentu 12 Novembru tarde, komemorasaun la’o nafatin

“Plánu no programa Prezidente Komissaun Organizadora ho ninia ekipa preparadu. Hahú ohin no aban ita sei hasai plánu no programa konvite ba liña Ministériál no komunidade no públiku. Tanba ne’e, preparasaun ba komemorasaun masakre santa crúz atinje ona 95%. Signifika buat hotu sei la’o ho di’ak,” Rogério Castro da Crúz hateten ba jornalista sira, iha nia kna’ar fatin Díli, segunda ne’e.

Iha komemorasaun masakre santa crúz ne’e sei iha atividade ualu (8) ne’ebé sei hala’o, maibé sei akontese iha loron 12 dadeersan, katak sei iha motor cros iha Tasi-Tolu, ida-ne’e sei akontese no sei halo serimónia abertura iha tuku 10h00 dadeersan.

“Hosi ne’e, iha 07 novembru sei halo abertura ba bisiklete, hahú hosi Tasi-Tolu sei mai finál iha Rate Santa Crúz. Alainde ne’e, iha mós atividade loriku adventura ne’ebé iha loron 05 foin daudaun ne’e, ha’u halo ona abertura, ne’ebé sira agora la’o perkore ona munisípiu sira hotu no sei mai fali iha 12 Novembru, iha 16-17h00 lorokraik. Depois ida-ne’e, sira sei kontinua la’o haleu munisípiu ba parte loron monu nian, ne’ebé atividade sira-ne’e mak provizóriu komisaun alista,” nia informa.

Iha loron 11 novembru kalan, sei iha reflesaun no hafoin reflesaun sei iha animasaun múzika, kultura no drama ruma ne’ebé sei to’o iha tuku 23-24h00 kalan, no iha loron 12 novembru dadeersan, ita sei iha família ho membru 12 Novembru iha Komité 12 Novembru sei iha tein hahan  hamutuk, ne’ebé plánu anuál mak ida ne’e. Maibé, agora ita halo mudansa fila-fali ba oráriu han hamutuk ho familia iha komité 12 Novembru, tanba misa iha 12 novembru komisaun organizadora deside la’o hanesan kada tinan, ne’ebé iha tuku 07h00 dadeersan iha igreja Motael,” nia dehan.

Nia informa, kona-ba serimónia dezlutu Max Stahl nian ho Sebastião Gomes ne’e, sira-nia parte halo liña koordenasaun hodi buka orsamentu ne’ebé apoiu hosi Sekretáriu Estadu Juventude Desportu (SEJD) no Ministériu Asuntu Kombatente Libertasaun Nasionál (MAKLN).

“Orsamentu hosi MAKLN promete hela, maibé to’o agora ami seidauk rona informasaun. Agora orsamentu ne’ebé ami uza ne’e mai hosi Sekretáriu Estadu Juventude no Desportu aloka ba iha saudozu Max Stahl no Sebastião Gomes, nune’e mós servisu hamutuk ho Komisaun ida-ne’ebé mak prepara ba eventu nasionál hamutuk $37.113,” nia esplika.

Entretantu, iha komemorasaun Masakre Santa Crúz ne’e sei partisipa hosi membru Governu no komunidade, hosi ne’e Prezidente Repúblika, José Ramos Horta mak sei halo abertura ba sermónia komemorasaun iha loron 12 novembru ne’e.

Jornalista : Nelia Fernandes

Editór      : Cancio Ximenes

iklan
iklan

Leave a Reply

iklan
error: Content is protected !!