iklan

NASIONÁL, POLÍTIKA

Pagamentu subsídiu $200, BNCTL lori fundu to’o de’it iha postu administrativu

Pagamentu subsídiu $200, BNCTL lori fundu to’o de’it iha postu administrativu

Koordenadór Jerál ba Unidade Kooperasaun Parseria (UCP, sigla portugés), iha Ministériu Solidariedade Sosiál no Inkluzaun (MSSI), João Coimbra. Imajen Tatoli/Osória Marques.

DILI, 08 novembru 2022 (TATOLI)—Koordenadór Jerál ba Unidade Kooperasaun Parseria (UKP), Ministériu Solidariedade Sosiál no Inkluzaun (MSSI), João Coimbra, hateten, pagamentu subsídiu $200 nian, Banku Nasionál Komérsiu Timor-Leste (BNCTL) lori fundu to’o de’it iha Postu Administrativu sira tanba rekursu menus.

Notísia Relevante: Pagamentu subsídiu $200 ba uma kain, posibilidade sei altera dekretu-lei

“Kona-ba pagamentu subsídiu $200 ba uma-kain sira iha territóriu nasionál ba fim do ano ida-ne’e, BNCTL nia responsabilidade lori fundu to’o de’it iha postu administrativu sira. BNCTL sei la to’o iha suku sira, tuir akordu ne’ebé iha,” Koordenadór ne’e dehan ba Agência Tatoli, iha nia knar fatin MSSI, Dili, tersa ne’e.

Nune’e, tuir nia, xefe suku sira sei halo levantamentu iha postu adminsitrativu de’it tan rekursu umanu la sufisiente hodi halo pagamentu to’o suku sira.

“Tanba daudaun ne’e sira seidauk iha rekursu ne’ebé sufiente hodi estabelese sira-nia sukursál iha suku sira,” Coimbra hateten.

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!