iklan

NASIONÁL, POLÍTIKA

PNDS hahú implementa UKL+ A iha munisípiu lima

PNDS hahú implementa UKL+ A iha munisípiu lima

Diretora PNDS, Claudinha Soares Pinto. Imajen Tatoli/Arminda Fonseca

DILI, 08 novembru 2022 (TATOLI)—Diretora Sektretariadu Tékniku Programa Nasionál Dezenvolvimentu Suku (PNDS), Claudinha Soares Pinto, hateten Uma Kbiit Laek Pluz (UKL+) A ne’e ekipa tékniku PNDS nian hahú ona implementa konstrusaun fíziku iha munisípiu lima.

Notísia Relevante: Ekipa PNDS termina ona prosesu aprovizionamentu UKL 2022

Munisípiu lima ne’ebé Governu fó prioridade liu ba konstrusaun UKL+ A mak munisípiu Bobonaro iha postu administrativu Balibo, munisípiu Baucau iha postu administrativu Baguia, munisípiu Aileu iha postu administrativu Lequidoe, munisípiu Manufahi iha postu administrativu Alas, munisípiu Viqueque iha postu administrativu Ossu no munisípiu Lautém iha postu administrativu Ilomar nian.

“Maibé munisípiu sira seluk ita foin mak tama ba preparasaun no iha prosesu aprovizionamentu tanba survei ita halo hotu ona no identifikasaun ba benefisiáriu mós ami identifika ona mak hamutuk 1.000 no agora tama ba aprovizionamentu. Bainhira ida-ne’e hotu mak ita foin tama ba implementasaun fíziku,” Diretora PNDS ne’e hateten ba Agência Tatoli, via telefónika, tersa ne’e.

Enkuantu UKL Plus B, nia dehan, maiória PNDS halo hotu ona survei no empreza vensedór hahú ona fahe ba komunidade iha Lautém no Baucau ho Viqueque hahú fahe iha semana ne’e to’o semana oin.

“Ba komunidade Lautém nian, ita fahe hotu ona inklui ho komunidade iha Bobonaro ita fahe zinku no balun troka hotu ona,” nia dehan.

Benefisiáriu ba UKL Plus B ne’e maiória hein empreza distribui de’it tanba PNDS ho empreza halo ona koordenasaun, nune’e empreza hamutuk ho ekipa mak sei distribui materiál ba komunidade.

Implementasaun Uma Kbiit Laek ba ema kbiit laek iha territóriu nasionál ne’e, Governu prevee orsamentu hamutuk millaun $25 ne’e, ba benefisiáriu hamutuk 6.000.

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!