iklan

NASIONÁL

Ekipa PNDS termina ona prosesu aprovizionamentu UKL 2022

Ekipa PNDS termina ona prosesu aprovizionamentu UKL 2022

Uma Kbiit laek (UKL) iha suku Fatulia, postu administrativu Venilale, munisípiu Baucau. Imajen Tatoli/Natalino Belo.

DILI, 23 agostu 2022 (TATOLI)—Diretora Ezekutivu Programa Nasionál Dezenvolvimentu Suku (PNDS), Claudinha Soares Pinto, hateten ekipa PNDS termina ona halo prosesu aprovizionamentu ba Uma Kbiit Laek (UKL) tinan 2022.

Notísia Relevante: UKL 2022 iha faze mobiliza materiál konstrusaun ba benefisiáriu sira

“UKL ba tinan ne’e, ita foin termina prosesu aprovizionamentu no agora avansa ona ba iha implementasaun fíziku. Implementasaun fíziku ne’e mós seidauk atualiza (update) iha sistema tanba ita-nia ekipa sei halo prosesu ba implementasaun UKL plus nian,” Diretora PNDS ne’e hateten ba Agência Tatoli, iha nia kna’ar fatin Colmera, Dili.

Tuir nia, atividade konstrusaun Uma Kbiit Laek (UKL) regulár ne’e sei hahú implementa iha tinan ne’e.

Ministru Administrasaun Estatál (MAE), Miguel Pereira Carvalho, hateten implementa UKL ba tinan ne’e liuhusi Parlamentu Nasionál ne’ebé aprova Orsamentu Jerál Estadu (OJE) 2022 ho montante millaun $71.

Ho orsamentu ida-ne’e, MAE sei konstrui Uma Kbiit Laek hamutuk 4.000 iha faze daruak nian ba tinan ne’e, iha territóriu nasionál no kada suku sei hetan Uma Kbiit Laek 10.

Konstrusaun Uma Kbiit Laek ne’e korresponde ho Planu Estratejia Dezenvolvimentu Nasionál (PEDN) 2011-2030 ne’ebé mak rekuiñese povu Timor-Leste nia aspirasaun atu harii nasaun ne’ebé mak forte prósperu no moris di’ak.

Antes ne’e Ministru Administrasaun Estatál (MAE), Miguel de Carvalho Pereira, hateten Sekretariadu Tékniku Programa Nasionál Dezenvolvimentu Suku (PNDS) hato’o proposta ba MAE, nune’e transfere ona osan ba konta bankária suku atu bele hahú halo konstrusaun Uma Kbiit Laek (UKL) tinan 2022.

“PNDS hato’o proposta katak haruka osan ba suku atu nune’e hahú halo konstrusaun UKL 2022. Entaun, ami halo transferénsia osan ba suku sira-nia konta bankária,” Miguel de Carvalho Pereira hateten.

Notísia Relevante: MAE transfere ona osan ba konta bankária suku konstrui UKL 2022

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!