iklan

DILI

Tinan 2022, UKL maiória implementa ona iha munisípiu ualu

Tinan 2022, UKL maiória implementa ona iha munisípiu ualu

Konstrusaun Uma Kbiit Laek ba povu kbiit laek sira. Imajen/Mídia MAE.

DILI, 08 novembru 2022 (TATOLI)—Diretora Sekretariadu Tékniku Programa Nasionál Dezenvolvimentu Suku (PNDS), Claudinha Soares Pinto, hateten tinan ne’e Uma Kbiit Laek (UKL) maiória implementa ona iha munisípiu Lautém, Liquiça, Aileu, Ainaro, Covalima, Manufahi, Dili no Ermera.

Notísia Relevante: Governu sei troka linguajen Uma Kbiit Laek ba Uma Naroman ba Povu

“Ida-ne’e maiória ita implementa ona maibé munisípiu seluk ne’e balun implementa ona no iha suku ida rua mak seidauk implementa, tanba sei faze preparasaun nia-laran,” Diretora PNDS ne’e haktuir ba Agência Tatoli, via telefónika, tersa ne’e.

Uma Kbiit Laek (UKL) 2022 nian, tékniku PNDS hahú implementa konstrusaun fíziku uma 3.000-resin mak konstrui ona iha territóriu nasionál.

“Dadus semana kotuk ami atualiza liuhosi ekipa tékniku hatudu katak uma 3.000-resin ne’e ita hahú implementa ona,” nia dehan.

Progresu ba implementasaun UKL sae makaas mezmu iha tempu udan maibé ekipa tékniku esforsu no kontinua implementa.

“Iha munisípiu udan loron-loron maibé ita nafatin implementa no konstrui UKL, nune’e tinan oin bele konklui lalais,” nia dehan.

Governu liuhosi Ministériu Finansa aloka orsamentu besik millaun $8 atu kontinua programa refere maibé ida-ne’e la to’o atu hala’o iha suku hotu-hotu tanba redusaun 75% hosi orsamentu ne’ebé aloka iha tinan ida-ne’e.

Nune’e , deputadu sira propoin tan osan hamutuk $63,600.000 hodi MAE liuhosi PNDS bele implementa Uma Kbiit La’ek iha 2022 , atu aumenta uma 10 kada suku nune’e Governu prontu atu implementa programa ida-ne’e

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!