iklan

DESPORTU, BOBONARO, MUNISÍPIU

SEJD sosializa programa tolu ba Autoridade Bobonaro

SEJD sosializa programa tolu ba Autoridade Bobonaro

Sekretaria Estadu Joventude no Desportu, sosializa ba programa estímulu empreendedorizmu sosiál juventude suku, desportu komunitária no konstrusaun kampu komunitária ba autoridade munisípiu Bobonaro. Imajen Tatoli/Sérgio da Cruz.

BOBONARO, 10 novembru 2022 (TATOLI) — Sekretaria Estadu Juventude no Desportu (SEJD), kinta ne’e sosializa programa tolu komposta hosi programa estímulu empreendedorizmu sosiál juventude suku, desportu komunitária no konstrusaun kampu komunitária ba autoridade sira iha munisípiu Bobonaro.

Iha tinan 2016, Sekretaria Estadu Juventude no Desportu no Ministériu Administrasaun Estatál establese kontratu akordu interoganiku bazea dekretu-lei númeru 30/2016 estatutu ba administrasaun munisipál no klibur tékniku interministeriál ba desentralizasaun administrativa sira.

Tanba iha artigu 6 misaun implijitamente ko’alia kona-bá área juventude no desportu ne’ebé hetan alterasaun dahuluk lei númeru 9/2018 no alterrasaun daruak lei númeru 54/2020 la ko’alia kona-bá delegasaun kompeténsia kona-bá asuntu juventude no desportu.

Diretór Jerál Juventude no Desportu, David Tomás de Deus, esplika, durante SEJD tún direita ba iha nível suku no postu sira, tanba laiha baze legál ida fó dalan ba autoridade munisípiu atu implementa atividade juventude nian.

Maibé iha tinan 2021, Sekretáriu Estadu Juventude no Desportu, Abrão Saldanha ‘Nokosiku’, selebra kontratu akordu interogániku ida ho Ministériu Administrasaun Estatál (MAE) hodi implementa atividade sira iha nível munisipál sira hanesan desportu komunitária, estímulu empreendedorizmu sosiál juventude suku kada tinan.

Enkuantu programa sira-ne’e nia orsamentu SEJD aloka ba Sentru Juventude iha munisípiu sira distribui fali ba postu administrativu sira hodi implementa programa sira-ne’e.

Notísia relevante: SEJD sei promove desportu komunitária iha territóriu nasionál

“Ne’e komitmentu Sekretáriu Estadu nian, orienta ha’u uluk mai enkontru atu lori asuntu desportu to’o iha kraik, tanba ida-ne’e maka atu apoiu ita-boot sira,” nia ko’alia iha salaun administrasaun Bobonaro.

Objetivu sosializa ba atutoridade munisípiu to’o suku sira bele iha koñesimentu natoon kona-bá konseitu no mekanizmu implementasaun atividade estímula empreendedorizmu sosiál juventude suku no desportu komunitária inklui konstrusaun kampu komunitária ne’ebé seidauk implementa.

“Liuhosi ida-ne’e mak loke dalan ba ita atu implementa, ne’ebé ita hahú ho balun de’it. Sé ida- ne’e la’o ho di’ak, tinan oin ami hakarak fó hotu kedas,” Diretór David promete.

Sekretáriu Autoridade Munisípiu Bobonaro, João do Carmo de Fátima, agradese ba ekipa SEJD ne’ebé mak iha inisiativa di’ak sosializa programa sira-ne’e nune’e bele dezenvolve joventude sira-nia talentu iha área desportu.

Notísia relevante: SEJD aloka rihun $37-resin realiza atividade desportu komunitária iha Bobonaro

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!