iklan

OPINIAUN

Quo vadis edukasaun RDTL

Quo vadis edukasaun RDTL

Querubin Jong Ferreira.

Hosi:

Querubin Jong Ferreira

“Eduka, dezenvolve, unifika, kolabora, asaun unidade nasionál”. Liuhusi kredo “…Salus Publica suprema Lex” tradusaun livre: “O bem-estar do povo deve ser a lei suprema”, tanba edukasaun nu’udar baze ba dezenvolvimentu Estadu RDTL,  ne’ebé regula ona iha konstituisaun RDTL artigu 6 alinea (d) haktuir “…Garante dezenvolvimentu ba Ekonomia, ba progresu siensia no téknika”. Iha klauzula ne’e rasik nu’udar espíritu no objetivu Estadu nian ne’ebé nia isin tomak hanesan naroman ne’ebé nabilan husi isin lolon organika ida, ne’ebé iha unidade no integridade ba realidade tomak. Konstituisaun interpreta ona povu nia fuan no laran tomak ba pátria Maubere ida liuhosi sagrifika aan bainhira povu hetan libertasaun hosi kolonializmu no okupasaun ilegál ba rai doben ida ne’e. Elaborasaun no adoptasaun konstituisaun nian, loloos “aprende ho povu hodi bele serbí loloos” hanesan hatu’ur ona iha konstituisaun nia laran. Nu’udar forsa vontade, espíritu, responsabilidade, no sakrifisiu ne’ebé la hatene rohan.

Edukasaun la bele sai nu’udar prizoneiru ba mundu akadémika, hanesan refleksaun ida husi transformatór, Nuno Saldanha, situasaun hirak ne’e hanesan situasaun ne’ebé akontese ba estudante ne’ebé hala’o estudu iha Indonézia, ne’ebé lideradu diretamente husi saudozu Fernando Lasama de Araújo, hodi hametin prinsípiu ida ne’ebé ba ema balun iha altura ne’ebá hanoin katak karik nia ema bulak ida: “Di’ak liu laiha títulu duke laiha rai eh patria” ka iha portugés dehan: “antes sem título do que sem pátria” mak motto RENETIL nian, organizasaun ne’ebé estudante universitáriu sira harii iha Indonézia iha tinan 1988 ne’ebé Fernando Lasama de Araújo mak sai nu’udar Sekretáriu Jerál. Nia moris tuir duni ho isin no klamar motto ida ne’e “Di’ak liu laiha títulu duke laiha rai eh patria” hanesan loloos kolonialista sira nia ukun ne’ebé uluk halo’o ba povu maubere ho hahalok ida “Pembodohan”. Hanesan, saudozu Fernando Lasama de Araújo, hametin-an ba prinsípiu ida ne’ebé ba ema balun iha altura ne’ebá hanoin katak karik nia ema bulak ida, organizasaun ne’ebé estudante universitáriu sira harii iha Indonézia iha tinan 1988. Kuandu ita lembra Timor-Leste iha quinhentos anos (500-th) liu ba, hahalok kolonialista portugueza nian iha momentu ne’ebá aplika sistema ida até agora sei buras iha ita nia tilun ne’ebé identiku ho 4° klase de’it ne’e mos ba sira ne’ebé bele selu impostu, sé mak selu impostu, la bele pasensia hamos du’ut, no servisu ba liurai la’o rai sira ne’e, kompara ho kolonialista Indonézia, ukun durante tinan 24, dezenvolvimentu no infrastruktur la’o ho di’ak iha setór edukasaun ita bele dehan di’ak tanba ema Timor oan barak mak hetan oportunidade ba edukasaun. Esperiénsia barak, ne’ebé Timor oan sira aproveita husi kolonialista Indonézia mak área edukasaun kompara ho kolonialista portugueza hela kleur tiha maibé dezenvolvimentu hakdasak.

Istória hirak ne’e nu’udar lembransa moruk ba Timoroan hodi halo revolusaun kontra engañadu ou pembodohan ba interese povu nian “publici juris”, hanesan sitasaun ida husi Nelson Mandela, hateten “…A educação é a arma maibé poderosa que podemos usar para mudar o mundu”. Reflesaun ne’ebé nakonu ho esperansa ida katak edukasaun nu’udar arma bo’ot ida ne’ebé uza hodi muda mundu. Reflesaun ida ne’e, sai ezemplu ne’ebé motiva tebes nasaun sira seluk hodi banati, alende ne’e Malala Yousafzai, haktuir mos ho nia quote ida ne’ebé ita opta iha sistema edukasaun  “…Uma criança, um professor, um livro e uma caneta podem mudar o mundu.” Liafuan hirak ne’e motiva tebes más iha Timor-Leste ba ne’e kontráriu uitoan, ho Malala Yousafzai, nian ne’e. Oinsá bele muda mundu ne’e se realidade iha Timor-Leste, Biblioteka Nasionál (Sentral) ida de’it mos la iha, depois muda mundu, ne’e retórika de’it, tanba imposibel, se ho razaun ida ne’e ita dehan edukasaun hanesan odamatan mundu nian, lojika simples de’it, entaun lee livru nu’udar janela ba mundu. Pratikamente ema bele koñese no hatene nasaun bo’ot sira ne’e ho lee de’it livru, koñese sistema Estadu, tipu Estadu no sistema edukasaun iha mundu ho de’it lee livru no biblioteka eletóonika “E-book”.

Hakarak hateten de’it katak intimu husi realidade istórika hirak ne’e sai hanesan inspirasaun ida ne’ebé nakonu ho espíritu nasionalizmu no patriotizmu husi saudozu Prof.Dr.Lucas da Costa, S.E.,Msi, iha ámbitu ba selebrasaun Dias Natalis Universidade da paz (UNPAZ) nian ba XV iha tinan 2019, inklui mos ho serimonia Graduasaun, Programa Magistrado ba dala IV hodi halo mos diskursu ba graduadu sira ho tema ida ne’ebé nakonu ho esperansa  katak ba futuru UNPAZ sei sai hanesan “Grande Makina do Pensar”. Ho espíritu ida Sapiente et humanismo.

Espíritu no vontade husi liafuan ida sai duni realidade ne’ebé moris iha mundu akadémika sira liuhusi inan, aman no povu ai-leba sira nia esperansa ida katak ami “Beik, beik ba hakerek, ami beik, beik ba lee, maibé la beik ba hanoin”. Hanesan siensista Renen Das Cartez, nia reflesaun ida “Cogito ergo sun” ka “Aku berfikir maka aku ada”. Reflesaun simples husi trasformatór, Tonze Yosep B.A. da Costa, ne’ebé haktuir “…Bukan karena Gelar maka aku ada, tapi karena aku berfikir maka aku ada”. Bicara sebelum berfikir itu, bukan aku, bicara sesudah berfikir, itu adalah “AKU”, reflesaun ida ne’e nu’udar asaun responsiva ida hodi kore ema husi egoista no moris edonismo essesivo, ho prinsipiu ida umanizmu la’ós humanu facsionismo.

Nia realidade akontese iha Japaun ne’ebé hetan atake iha Nagasaki no Hirosima husi militár América, liu rai Hirohito, husu “…Quantos professores restaram quando ouviu pela primeira vez que seu país havia sido devastado pela bomba nuclear lançada pelos Estados Unidos”. Invés husu uluk tropa hira mak mate lae maibé mestri hira mak sei moris, depois trajédia ne’e liu ekonomia iha Japaun monu altura ne’ebá. Más agora Japaun domina maioria sistema ekonomia mundu liu-liu iha Asean, kontribuisaun maka’as no dezenvolvimentu ne’ebé Japaun halo mak liuhusi setór edukasaun.

Estadu RDTL, elementu prinsipál liu mak; edukasaun, saúde no seguransa sira, maibé iha nia prátika la ho sériu. Kuandu ita kompara iha Timor-Leste prevere loke partidu polítiku barak liu duke loke ensinu báziku, mesmu situasaun ida ne’e talvez imposibel maibé realidade ida ne’e mandatu konstituisaun RDTL, ne’ebé haktuir iha artigu 59 kona-ba edukasaun no kultura, iha alinea Primeiru; Estadu rekoñese no garante sidadaun hotu nia direitu ba edukasaun no kultura, nune’e mós harii sistema ensinu báziku universál, obrigatóriu no bainhira bele, saugati, tuir lei haruka. Segundu; ema hotu iha direitu hanesan, ba oportunidade atu eskola no ba formasaun servisu/profisaun nian. Terseiru; Estadu rekoñese no fiskaliza eskola partikulár no kooperativu sira. Kuatru; Estadu tenki garante ba sidadaun hotu-hotu, tuir sira-nia kapasidade, atu bele hetan eskola boot kona-ba investigasaun sientifika no hamoris/haburas arte. Kintu; ema hotu iha direitu atu goza no harii kultura hanesan nia obrigasaun atu haburas, defende no mós fó valór ba patrimóniu kultura. Tristeza boot bainhira hare’e OJE ba tinan 2023, ho montante husi OJE tomak hamutuk: tokon 2, 106, iha setór sira ne’e ki’ik  iha área edukasaun ho 9% de’it, saúde ho % 5 no seguransa maibé pior. Programa ne’ebé esensial no tama iha planu estratéjiku 2011 to’o 2030.

Mehi hirak ne’e rai hela iha gabeta laran, no povu timoroan nia esperansa hela de’it iha banner tutuir dalan ninin hodi infeita sidade Dili, ohin sai ba Singapura, Malázia no nasaun sira seluk, fila mai hodi istória no banner ne’ebé nakonu ho polítika demagogia. Povu Maubere nia oan sira toba iha rai hodi hateke sae ba lalehan, tan realidade to’o ohin loron foin hatene de’it A, B, C.., onestidade iha estuda no kompromisu la halo korrupsaun tan matenek barak mak sei interese kabun hodi haluha prinsipiu ukun rasik-an “URA” ita haree realidede ida husi diskursu Martin Luther King Jr. Iha 28 agostu 1963, ho tema “I Have A Dream”, ne’ebé refleta ba futuru ida nakonu ho esperansa no sela iha tan diskriminasaun oioin iha América. Ha’u espera iha 28 novembru 2022 ida ne’e bele lori esperansa ba futuru edukasaun ida laiha diskriminasaun, laiha politika ida ne’ebé defende kor tan ha’u nia partidu mak agora sei ukun.  Esperansa no mehi ida ho povu, aprende hamutuk ho povu iha komemorasaun 28 fulan-novembru ida ne’e, bele leno aan ba 28 fulan Novembru ida nakonu ho espíritu nasionalizmu e pátriotizmu…hanesan Nicolau dos Reis Lobato nia liafuan dehan “…Vamos aprender a guerra na guerra” mai aprende funu hodi halo funu…funu ida ba esperansa ida ukun rasik aan URA, ohin sai realidade, agora mai ita mos aprende hodi hasoru injustisa sosiál, funu hasoru diskriminasaun. Hanesan,  Paulo Freire, haktuir “…Quando a educação não é libertadora, o sonho do oprimido é ser o opressor. Tradusan livreKetika pendidikan tidak membebaskan, impian kaum tertindas adalah menjadi penindas”. (Paulo Freira, livro: Começando bem, freses e pensamentos, 2009).

Labele oho ami nia esperansa no mehi hirak ne’e liu husi edukasaun, eduka, dezenvolve, unifika, kolabora, asaun unidade nasionál.

Socrates, “…Mendidik pikiran tanpa mendidik hati, itu bukan PENDIDIKAN”.

iklan
iklan

Leave a Reply

iklan
error: Content is protected !!