iklan

NASIONÁL, HEADLINE, KAPITÁL

PR Horta apela ba joven kria dame no estuda

PR Horta apela ba joven kria dame no estuda

Prezidente Repúblika, José Ramos Horta, partisipa iha selebrasaun loron nasionál juventude ba da-17 no Masakre Santa Crúz ba da-31, iha semitériu Santa Crúz, sábadu (12/11). Imajen Tatoli/António Daciparu

DILI, 12 novembru 2022 (TATOLI)–Prezidente Repúblika (PR), José Ramos Horta, apela ba joven sira hotu atu kria dame no estuda.

“Hau halo apelu ba joven sira ne’ebé gosta tuda fatuk ba malu, favór kria dame hodi  imi bele  estuda tanba imi mak futuru nasaun,” Xefe Estadu hateten iha nia diskursu iha ámbitu  selebrasaun loron nasionál juventude ba da-17 no Masakre Santa Crúz ba da-31, iha semitériu Santa Crúz, sábadu ne’e.

Notísia relevante: Joven-sira iha papél importante kontribui ba hametin dame iha sosiedade

Nia dehan, joven ne’e dala-ida de’it, tinan-ida lakon no tinan-ida la fila, tanba ne’e tenke estuda nafatin no aproveita oportunidade di’ak sira.

“Futuru ne’e iha duni imi-nia liman, tanba ne’e moris iha dame hodi imi bele estuda ho dame no seguransa. Maski bele iha difikuldade oioin, maibé haree saida mak iha hodi fó prioridade no sira ne’ebé serbisu la’ós ba li’ur de’it, maibé haree saida mak bele halo iha rai-laran,” nia reforsa.

Aleinde ne’e, PR Horta nota katak timor-oan joven barak iha tinan 20 nia laran ne’e hetan ona estudu iha nível mestradu no doutoramentu iha universidade oioin iha mundu, enkuantu balun sai sientísta.

“Ezemplu ida mak joven timor-oan hanesan estudante sekundáriu ida manán konkursu internasionál okupa klasifikasaun dahaat iha matemátika hosi partisipamente barak iha mundu no hosi universidade lubun ida,” Xefe Estadu tenik.

Jornalista   : Nelson de Sousa

Editora        : Julia Chatarina

iklan
iklan

Leave a Reply

iklan
error: Content is protected !!